| e-texts navigator |
| Wylie |
6a1 མེད་སྟོན། དེ་ལ་བསྐོར་བ་བྱས་ནས་ཀྱང་།། ཀུན་ནས་འདོད་པའི་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། མ་གི་ཟ་མ་ཏོག་གང་ཕུལ་ནས་ནི།། དེ་ལ་ངེས་པའི་དོན་ཞུས་པ།། སངས་རྒྱས་ངེས
6a2 པའི་ཆོས་སྐུ་ལ།། དེ་དོན་རྩོལ་བས་མ་བསྒྲུབས་པར།། ཡོན་ཏན་འབྲས་བུ་ཇི་ལྟར་འཆར།། དེ་དོན་ཞུས་པའི་དོན་གསན་ནས།། སངས་རྒྱས་རིན་ཆེན་སྙིང་པོ་དེ།། མ་གི་ཏ་ཡིས་ཐུགས་མཉེས་ནས།། ཞུས་པའི་ལན
6a3 དེ་བཀའ་སྩལ་པ།། ཏཀྵ་ཀ་ཡིས་རྒྱན་བཞིན་དུ།། ཡེ་ནས་གནས་པའི་ཆོས་ཉིད་ལ།། རྒྱུ་འབྲས་མཐར་ཕྱིན་གཞི་ནས་རྫོགས།། ཉི་མའི་འོད་ལྟར་འབྲས་བུ་འབྱུང་།། དེ་སྐད་ཅེས་ནི་གསུངས་པ་དང་།། རང་བཞིན་གཞི
6a4 ཡི་ཐེ་ཚོམ་ཆོད།། ཞུ་བ་ཞུས་ཕྱིར་ངེས་པ་རྙེད།། དེ་ཕྱིར་ལྷག་མཐོང་མངོན་དུ་གྱུར།། དེ་ཡང་འདུས་པའི་སྙིང་པོ་ཉོན།། ནུབ་ཕྱོགས་སྒྲིབ་པ་མེད་པ་ཡི།། པདྨ་ཅན་གྱི་ཞིང་ཁམས་ན།། སངས་རྒྱས་དྲི་མེད་གྲགས་པ་དེ།།
6a5 པདྨའི་གདན་ལ་འབྲས་བུ་སྟོན།། དེ་ལ་བསྐོར་བ་བྱས་ནས་ཀྱང་།། ཀུན་ནས་ཡིད་ཆེས་དད་པ་ཡིས།། ངེས་དོན་ཞུ་བའི་རྟེན་དུ་ཡང་།། པཉྩ་ལི་ཀའི་ན་བཟའ་ཕུལ།། དེ་ལ་ངེས་པའི་དོན་ཞུས་པ།། སེམས་ཉིད་པད
6a6 ལྟར་དག་པ་ལ།། གཟུང་འཛིན་དྲི་མས་ཇི་ལྟར་གོས།། དེ་སྐད་ཞུས་པས་དོན་གསན་ནས།། སངས་རྒྱས་དྲི་མེད་གྲགས་པ་དེ།། པཉྩ་ལི་ཀས་ཐུགས་མཉེས་ནས།། ཞུས་པའི་ལན་དེ་བཀའ་སྩལ་པ།། པདྨ་འདམ་གྱིས
iiif viewer powered by OpenSeadragon
