| e-texts navigator |
| Wylie |
69a1 འདྲ།། དེ་བྱས་དགྲ་གཉེན་ཉེ་རིང་མེད།། ཐམས་ཅད་བླང་དོར་མི་ཤེས་པས།། དགྲ་གཉེན་གཉིས་ཀྱི་ཆགས་སྡང་བྲལ།། ད་ཡང་འདུས་པའི་སྙིང་པོ་ཉོན།། དེ་ལྟར་སྤྱོད་པ་ཆེད་བྱེད་པ།། མ་ཧཱ་མན
69a2 ཆད་སྤྱོད་པ་ཡིན།། རྟོག་པ་ཆེད་དུ་འཇོམས་པ་དེ།། རྫོགས་ཆེན་ཡང་ཏིའི་གོལ་སར་གསུངས།། དེ་སྤྱོད་ཚུལ་འཆོས་དོན་དང་ལྡན།། དེ་ཕྱིར་ཆེད་བྱ་མེད་པའི་མཆོག། རྫོགས་པ་ཆེན་པོ་ངེས་དོན་ཐམས་ཅད་འདུས་པ།
69a3 ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྟོག་པ་འཇོམས་པའི་སྤྱོད་པ་བསྟན་པའི་ལེའུ་སྟེ་རེ་དགུ་པའོ།། སྡོམ་དུ་བསྡུས་ཏེ་བསྟན་པ་བཅོ་ལྔ་པའོ།། །། དེ་ནས་འཁོར་གྱི་དོན་ཆེད་དུ།། རྡོ་རྗེ་སེམས་དཔས
69a4 དོན་ཞུས་པ།། ཏིང་འཛིན་ཉམས་དང་ལྡན་པ་ཡི།། ལྷ་སྒོམ་སྤྱོད་པ་ཉམས་ཀྱི་བདུད།། རྣལ་འབྱོར་པ་ལ་འབྱུང་ལུགས་ནི།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི
69a5 འཁོར་ལ་བཀའ་སྩལ་པ།། མཉམ་བཞག་རྗེས་ཐོབ་པར་དོ་ལ།། སྣང་བ་འོད་དང་གྲགས་པ་སྒྲ།། འཇིགས་པ་གཟུགས་དང་བསླུ་བ་རྫུན།། རེ་རེ་ལ་ནི་དྲུག་དྲུག་ཏུ།། རྒྱུ་དང་ཞུགས་པ་ཉེས་དམིགས་རྣམས།། ཟིལ
69a6 གནོན་རྟོགས་དང་འབྲས་བུ་རྣམས།། ལྟ་བ་མ་ཤེས་བདུད་དུ་འབྱུང་།། དེ་ཡང་འདུས་པའི་སྙིང་པོ་ཉོན།། སྣང་བ་འོད་ཀྱི་བདུད་བྱུང་ན།། ལྷ་མེད་མུན་ལས་འོད་བྱུང་བས།། དགེ་སྡིག་མཐོང་བས་སྙིང་རྗེ་ཞུགས།།
iiif viewer powered by OpenSeadragon
