| e-texts navigator |
| Wylie |
68a1 སྤྱོད་པར་གསུངས།། ད་ཡང་འཁོར་རྣམས་ཡིད་ཀྱིས་ཉོན།། ངེས་ལུང་བཀའ་ལས་གསུངས་པ་ཡི།། དྲང་དོན་ལུང་གི་དགེ་སྡིག་གཉིས།། བསྐྱེད་རིམ་ལྷ་བསྒོམ་དྲང་དོན་ཏེ།། དྲང་དོན་མདོ་རྒྱུད་ལྡེམ
68a2 དགོངས་ཀྱིས།། དོན་ལ་སྒྲོ་བཏགས་ཆོས་ཉིད་མིན།། ངེས་དོན་ལུང་གིས་སུན་བཏོན་ཕྱིར།། གོལ་སྒྲིབ་མེད་པར་ཐེ་ཚོམ་ཆོད།། ངེས་དོན་ལུང་གིས་གཏན་ཕབས་པས།། མ་རིག་མེད་ཕྱིར་རྒྱུ་འབྲས་མེད།། མ་རིག
68a3 ཀུན་གཞིའི་མུན་གསེབ་ནས།། ཆོས་སྐུ་རྙེད་པས་མུན་པ་སངས།། རྟོགས་པ་མངོན་འགྱུར་སངས་རྒྱས་འབྱུང་།། རིན་ཆེན་སྟོར་བ་སླར་རྙེད་འདྲ།། དེ་ཕྱིར་རང་ལ་དད་པ་སྐྱེས།། དུས་དང་རྣམ་པ་ཐམས་ཅད་དུ།། ཆོས
68a4 ཀྱི་སྐུ་དང་འབྲལ་མེད་པས།། མཚན་མ་ལུང་གི་སྒྲོ་འདོགས་ཆོད།། ལུང་དང་རིགས་པ་མཐུན་པར་སྤྱོད།། རྫོགས་པ་ཆེན་པོ་ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྒྲོ་འདོགས་གཅོད་པའི་སྤྱོད་པ་བསྟན་པའི
68a5 ལེའུ་སྟེ་རེ་བརྒྱད་པའོ།། །། དེ་ནས་ཀུན་རིག་སྟོན་པ་ཡིས།། དད་ལྡན་འདུས་པའི་འཁོར་རྣམས་ལ།། རྣལ་འབྱོར་ཞེན་པ་ལྡོག་པའི་ཕྱིར།། རྟོག་འཇོམས་སྤྱོད་པ་བཀའ་སྩལ་པ།། ཟས་གོས་དགྲ་གཉེན་འཁོར
68a6 བའི་ཆོས།། དེ་ལ་ཞེན་ལོག་བྱ་བའི་ཕྱིར།། སྤྱོད་པ་མ་ཆགས་བརྟུལ་ཞུགས་ཀྱིས།། རྟོག་མེད་སྤྱོད་པ་ཆེད་དུ་བྱ།། དེ་ཡང་འདུས་པའི་སྙིང་པོ་ཉོན།། ཟས་ཀྱི་རྟོག་པ་གཞོམ་པའི་ཕྱིར།། གཙང་དང་མི་གཙང་མེད་པར
iiif viewer powered by OpenSeadragon
