| e-texts navigator |
| Wylie |
67b1 ཞེན་པའི་བློ་མི་འཇུག། རྣལ་འབྱོར་ཡུལ་གྱི་སྒྲོས་མི་གདགས།། གང་ལྟར་ཡོད་ཀྱང་དབྱིངས་ལ་སྦྱོར།། དེ་ཕྱིར་གོལ་མེད་ཀློང་ན་འཕྱོ།། ཕྱི་ཡིས་སྒྲོ་འདོགས་ཆོད་ཅེས་བྱ།། ད་ཡང་རྡོ་རྗེ་སེམས་དཔའ་ཉོན།། རང་གི
67b2 ཡིད་ཀྱིས་སེམས་བཙལ་བས།། ཡང་དག་ཡིད་ཀྱིས་མཐོང་བ་མེད།། ཅི་ཡང་ཆ་མེད་ལུང་མ་བསྟན།། ཚོགས་བརྒྱད་མེད་ཅེས་སྒྲོ་འདོགས་ཆོད།། མི་ཤི་སླར་ལ་མི་ལྡོག་འདྲ།། དེ་ཉིད་ལུང་ལྡན་བསྟན་ཙམ་ན།། ཆོས
67b3 ཉིད་ཡིན་ཕྱིར་ལྟུང་མི་སྲིད།། དེ་ཕྱིར་སེམས་ཀྱི་ཡུལ་ལས་འདས།། དེ་དོན་རང་བྱུང་རིག་པ་འདི།། ཆོས་སྐུར་གཞན་ལ་ཞེན་མེད་པས།། ནང་གི་སྒྲོ་འདོགས་ཆོད་པའི་ཕྱིར།། སྤྱོད་པ་ཀུན་གྱི་མཆོག་ཏུ་གསུངས།། དེ
67b4 ང་འདུས་པའི་སྙིང་པོ་ཉོན།། ཡུལ་སེམས་གཉིས་མེད་སྐྲོད་པ་ནི།། གཞི་ཉིད་ལུང་ལྡན་ངེས་པ་ཡིས།། རང་བྱུང་ཆོས་སྐུའི་དོན་ཤེས་པས།། ཀུན་བརྟགས་མ་རིག་མེད་པ་ཡིས།། ཡུལ་སེམས་གཉིས་ལ་བརྟགས་པ
67b5 ལས།། ཞེན་པའི་བག་ཆགས་རྟེན་མེད་སྟོང་།། འཁོར་འདས་ཀ་ནས་མེད་རྟོགས་ཕྱིར།། འཇིགས་པའི་རྨི་ལམ་སད་པ་འདྲ།། ལྷན་ཅིག་མ་རིག་མེད་པའི་ཕྱིར།། ཀུན་གཞི་བསྐྱེད་པའི་སེམས་དང་བྲལ།། སེམས་མེད
67b6 ཡུལ་འདི་གཏན་དུ་སྟོངས།། མེ་མེད་དུ་བ་མེད་པ་འདྲ།། ངོ་བོ་ཉིད་ཀྱི་གཞི་རྟོགས་ན།། ཡུལ་སེམས་དུས་གསུམ་མེད་པ་སྟེ།། གང་ཡང་མེད་པའི་མངོན་དུ་བྱུང་།། རང་བྱུང་སྒྲོ་འདོགས་ཆོད་པ་ཡིས།། ཡེ་ཤེས་ཆེན་པོ
iiif viewer powered by OpenSeadragon
