| e-texts navigator |
| Wylie |
67a1 ལྟ་བུར་མཐོང་།། དེ་བཞིན་བླ་མའི་གདམས་ངག་འདི།། སྣོད་མེད་ཀུན་ལ་མི་སྦྱིན་ནོ།། རིན་ཆེན་ནོར་རྙེད་གསང་བ་བཞིན།། ཆོས་ཀྱི་སྐུ་ཉིད་སྙིང་པོ་འདི།། ཤིན་ཏུ་སྦས་ན་དངོས་གྲུབ་ཐོབ།། རིག
67a2 འཛིན་གོང་མས་བྱིན་གྱིས་རློབས།། མཁའ་འགྲོས་ལས་བྱེད་ཅི་བསམ་གྲུབ།། ཆོས་ལ་དམིགས་པའི་སྤྱོད་པ་ཡིས།། རྒྱལ་བ་ཀུན་དང་དགོངས་པ་གཅིག། དེ་ཕྱིར་ལ་ཟློའི་སྤྱོད་པར་གསུངས།། རྫོགས་པ་ཆེན་པོ་ངེས
67a3 དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དེ་ཁོ་ན་ཉིད་དམིགས་པའི་སྤྱོད་པ་བསྟན་པའི་ལེའུ་སྟེ་རེ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས
67a4 བཀའ་སྩལ་པ།། སྒྲོ་འདོགས་སྤྱོད་པ་ཆེན་པོ་ནི།། ཕྱི་ནང་གཉིས་མེད་ལུང་གིས་ནི།། སྒྲོ་འདོགས་གཅོད་པའི་ཐབས་ཀྱི་དོན།། ལུང་ལྡན་ཆོས་འདི་ངེས་པར་སྤྱོད།། དེ་ཡང་འདུས་པའི་སྙིང་པོ་ཉོན།། ཕྱི་ཡི་སྒྲོ་འདོགས
67a5 སྤྱོད་པའི་ཕྱིར།། སྣང་བའི་ཡུལ་ལ་བློས་བརྟགས་པས།། མ་རིག་བག་ཆགས་བརྟས་པ་ལ།། གཞི་ལ་ཡུལ་ནི་གྲུབ་པ་མེད།། དེ་ཕྱིར་ལུང་ལྡན་གདམས་ངག་གིས།། མ་རིག་མེད་པར་ཟག་ཆོད་པས།། ཡུལ་གྱི་ཞེན་པ
67a6 དང་བྲལ་ན།། གང་ལ་འཛིན་པའི་བློ་མི་འཇུག། དྲེད་མོང་འདོས་ཐག་བཅད་པ་འདྲ།། ཡུལ་ནི་ཡོད་མེད་མཐའ་དབུས་བྲལ།། དེ་ཡིས་ཉམས་སུ་མྱོང་བ་བཞིན།། ཆུ་ནང་གཟུགས་བརྙན་སྨིག་རྒྱུ་བཞིན།། སྣང་ཡང
iiif viewer powered by OpenSeadragon
