| e-texts navigator |
| Wylie |
66a1 འཆི་མེད།། དེ་ཕྱིར་སངས་རྒྱས་ཡང་དག་ཡོད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བསྒོམ་པའི་ཉམས་བསྟན་པའི་ལེའུ་སྟེ་རེ་དྲུག
66a2 པའོ།། སྡོམ་དུ་བསྡུས་ཏེ་བསྟན་པ་བཅུ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་གྱི་དོན་ཆེད་དུ།། ཀུན་རིག་སྟོན་པ་ཆོས་རྗེ་ལ།། བདེན་པའི་ཡིད་ཀྱིས་འདི་སྐད་གསོལ།། ངེས
66a3 དོན་རྟོགས་པའི་རྣལ་འབྱོར་པས།། དེ་ཁོ་ན་ཉིད་ཇི་ལྟར་སྤྱོད།། ཕྱི་ནང་སྒྲོ་འདོགས་ཆོས་སྤྱོད་གང་།། རྣམ་པར་རྟོག་པ་ཇི་ལྟར་གཞོམ།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།།
66a4 འདུས་པའི་འཁོར་ལ་བཀའ་སྩལ་པ།། ལ་ཟློ་སྤྱོད་པ་བཀའ་སྩལ་པ།། ཡིད་ལ་ཟུང་ལ་ངེས་པར་སྤྱོད།། དེ་དོན་ངེས་པར་དབྱེ་བ་ནི།། ལུས་ངག་ཡིད་ཀྱིས་ཆོས་ཀྱི་ནི།། དེ་ཁོ་ན་ཉིད་ལ་དམིགས་པའོ།། སྤྱོད་པ་ལ་ཟློ།
66a5 ཡིན་པར་གསུངས།། དེ་ཡང་འདུས་པའི་སྙིང་པོ་ཉོན།། ལུས་ངག་རིག་པ་བཟོ་ཐུབ་ལ།། སྒོ་ལྔ་ཡུལ་ལ་མི་འཇུག་སྟེ།། རང་རིག་དགོན་པར་གསལ་བ་ཡིས།། རྒྱུན་དུ་འབྲལ་མེད་གནས་དེ་ན།། ལུས་ཀྱི་སྐྱོན་གསུམ
66a6 རང་སར་གྲོལ།། དེ་ཚེ་གཡེངས་པ་མི་འབྱུང་བར།། གོལ་མེད་ཆོས་སྐུ་ཡེ་ཤེས་ལྡན།། རང་ཉིད་གར་འདུག་དགོན་པར་ཤེས།། རྒྱལ་པོས་གདན་ས་འཛིན་པ་འདྲ།། གང་ན་གནས་པ་ཆོས་དབྱིངས་ལ།། ཞེན་ཆགས
iiif viewer powered by OpenSeadragon
