| e-texts navigator |
| Wylie |
65a1 རང་རིག་ཡེ་ཤེས་ངང་དུ་གནས།། དཔེར་ན་འཇིགས་མེད་ལམ་བགྲོད་ཀྱང་།། རང་ལུས་དང་འདྲ་ཉམ་པ་མེད།། དེ་བཞིན་ཆོས་ཉིད་རང་གནས་པས།། རེ་དོགས་གོལ་སྒྲིབ་མེད་པར་གནས།། ཕྱི་དྲོད
65a2 ཡུལ་དང་ཁ་དོག་རྫོགས།། མཚན་མའི་ཞེན་པ་མི་སྐྱེ་ན།། ཆགས་བྲལ་ཆོས་དབྱིངས་དྲོད་ཅེས་བྱ།། ཕྱི་རྟགས་ཡུལ་དྲུག་མ་ཞེན་པར།། ཞིང་ཁམས་མཐོང་དང་དབང་བསྐུར་དང་།། མཆོད་བརྟེན་འོད་ཀྱི་གང་བར
65a3 འབྱུང་།། དེ་ཚེ་འཁོར་བའི་ཞེན་པ་ལྡོག། འབྲས་བུ་རྣལ་འབྱོར་ཚེ་འཕོས་ཏེ།། རིག་བཙུན་མི་ལུས་ཐོབ་ནས་ནི།། ལུང་ལྡན་རྐྱེན་འཕྲད་ཤེས་པ་འཆར།། དེ་ཚེ་ཆོས་སྐུའི་བདེན་པ་མཐོང་།། ད་ཡང་འདུས་པའི་སྙིང་པོ
65a4 ཉོན།། ལྷག་མཐོང་རིག་པའི་ངང་བཞག་ཚེ།། སྔ་ཕྱི་གོལ་སྒྲིབ་རང་དེངས་ནས།། ཡེ་ཤེས་རང་ཤར་དོན་དང་ལྡན།། ཉིན་མཚན་འདས་ཀྱི་བར་དོར་གནས།། ངང་ལ་གནས་པའི་མཐུན་དཔེ་ནི།། མ་བསྐྱོད་རྒྱ་མཚོ
65a5 དངས་པ་དང་།། གསལ་ལ་མི་གཡོ་མར་མེ་འདྲ།། རང་བྱུང་རིག་པའི་ཆོས་ཉིད་གསལ།། ནང་དྲོད་ཡེ་ཤེས་རང་སར་གནས།། ཐེ་ཚོམ་བྱུང་ཚོར་རྐྱེན་དང་བྲལ།། དེ་ཡི་ངང་དུ་ཉོན་མོངས་དེངས།། ཉིན་མཚན་འདས
65a6 པའི་རྟོག་པ་མེད།། ནང་རྟགས་མངོན་ཤེས་དྲུག་འབྱུང་ནས།། ཟས་ནོར་ཆགས་ཆུང་ཉོན་མོངས་མེད།། སྙིང་རྗེ་ཕན་སེམས་རབ་ཏུ་ལྡན།། ལྷས་བསྟན་རྨི་ལམ་བཟང་པོ་འབྱུང་།། རྣལ་འབྱོར་ཆོས་ཉིད་དབང་ཐོབ་མི།།
iiif viewer powered by OpenSeadragon
