| e-texts navigator |
| Wylie |
64a1 འཇུག་བཞིན།། རང་གི་ཤེས་པ་ཆོས་སྐུ་ལ།། བསྒོམ་དུ་མེད་པའི་དགོངས་བྱའོ།། དེ་དོན་རྟོགས་ན་དངས་ཤིང་བདེ།། ཤེས་པ་མི་འགྱུར་དཀྲིར་མི་འདོད།། ཆུ་ལས་མི་འདའ་ཉ་བཞིན་དུ།། དོན་ལས་མི
64a2 འདའ་ཆོས་ཉིད་རྟགས།། དེ་རྟགས་ལྡན་པས་རྣལ་འབྱོར་པས།། རྒྱལ་པོའི་མངའ་བྱེད་བཙུན་མོ་བཞིན།། སྔ་ཕྱི་གཉིས་པོ་སྐྱེས་པའི་ཚེ།། དེ་རྗེས་མི་གཅོད་ཆོས་ཀྱི་སྐུ།། འཕྲོ་ན་རྐུན་པོ་ཚོར་མ་ཟག། མ་བསྐྲད་རང
64a3 བཞིན་བྲོས་པ་ལྟར།། རང་བྱུང་རྩོལ་བ་མེད་པ་ལ།། མི་གཡོ་མཉམ་པའི་དོན་ལ་བཞག། དེ་དོན་རྟོགས་པའི་རྣལ་འབྱོར་པས།། ཤིང་བལ་ལྟ་བུར་ལུས་ཡང་ཞིང་།། ཕྱི་ནང་འབྱུང་འཇུག་དབུགས་རྣམས་སྙོམས།།
64a4 ཆོས་རྣམས་བདེ་ཆེན་གསང་བའི་ཉམས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འགྲོ་དྲུག་གཡང་ས་བཅད་པའི་བསྒོམ་པ་བསྟན་པའི་ལེའུ་སྟེ་རེ་བཞི
64a5 པའོ།། །། དེ་ནས་ཀུན་རིག་སྟོན་པ་ཡིས།། བསྒོམ་པ་རྒྱུན་གྱི་རྩ་བའི་དོན།། རང་བྱུང་ཆོས་སྐུ་གསལ་བའི་དོན།། ཡེ་ཤེས་འབྲལ་མེད་བཀའ་སྩལ་པ།། ཐིག་ལེ་གཅིག་ཏུ་རྫོགས་པ་ཡི།། ཡེ་ཤེས་ཆེན་པོའི་མཐུན
64a6 དཔེ་ནི།། རང་བྱུང་ངོ་བོ་ཉིད་ཁྱབ་ཕྱིར།། མཐའ་དབུས་མེད་པས་ནམ་མཁའ་འདྲ།། དེ་དོན་རང་བྱུང་ཡེ་ཤེས་གསལ།། སྣང་སྲིད་གསལ་བའི་སྒོ་ལྔ་ནི།། རྟོག་པ་གསལ་བ་ཆོས་ཀྱི་སྐུ།། འཛིན་པ་མེད་པར་ལྷུན་གྱིས
iiif viewer powered by OpenSeadragon
