| e-texts navigator |
| Wylie |
63b1 དགོས།། དེ་ཡིས་བསྒོམ་ཉམས་བསྟན་པ་ནི།། དམིགས་པའི་དོན་ལ་སེམས་གནས་ཀྱང་།། ཤེས་པ་གཏད་དུ་མི་ཆུད་པས།། ཡུལ་ལ་མི་རྟོག་བདེ་བར་གནས།། ཞེན་པའི་རྟོག་པ་སྐྱེས་ན་ཡང་།། བ་མོ་ལ་ནི་ཉི་ཤར
63b2 བཞིན།། རྗེས་སུ་མི་འབྲིང་ལྡན་གྱིས་འགྲོ།། དེ་ཚེ་གཞི་ལ་ཡིད་ཆེས་འབྱུང་།། དེ་དུས་ཉིད་དུ་སེམས་ཉམས་ནི།། སྣང་མེད་འཁྲུལ་སྣང་ལོག་ཙ་ན།། སྣང་བཅས་ཏིང་འཛིན་དོན་ཟིན་ཉམས།། དེ་ཉིད་གོམས་པའི་ལམ
63b3 དུ་བདེ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། མཚན་མ་ཟིལ་གྱིས་གནོན་པའི་བསྒོམས་པའི་ལེའུ་སྟེ་རེ་གསུམ་པའོ།། །། དེ་ནས་ཀུན་རིག་སྟོན་པ
63b4 ཡིས།། འགྲོ་དྲུག་གཡང་ས་གཅད་པའི་ཕྱིར།། རྩ་བ་སེམས་ལས་འདས་པའི་ཕྱིར།། ཡེ་ཤེས་ངོས་བཟུང་བཀའ་སྩལ་པ།། ཀུན་གཞི་གཞི་ཆ་ངོ་བོ་ལ།། ཆོས་སྐུ་ངོས་བཟུང་མཐུན་དཔེ་ནི།། རྩ་ཆུ་བརྟགས་ནས་ངོས
63b5 བཟུང་བའི།། སྨན་པ་མཁས་པའི་དཔེ་བཞིན་དང་།། ནོར་བུ་ཆུ་དངས་དཔེ་བཞིན་ནོ།། བྱང་ཆུབ་སེམས་ཀྱི་རིག་པའི་དོན།། སྔ་མ་འཕྲོ་བ་ཡིད་ཡིན་ཏེ།། ཕྱི་མ་སྐྱེས་པ་ཉོན་མོངས་ཡིན།། སྒོ་ལྔ་སྐྱེས་པ་རྟོག་པའི
63b6 ཡིད།། དམིགས་འཛིན་མེད་པ་ངང་གིས་གསལ།། གཉུག་མར་གནས་ལ་འཕེལ་འགྲིབ་མེད།། ཡེ་ཤེས་ཟང་ཐལ་འདི་ཡིན་ཏེ།། རང་གི་ངོ་བོ་ཆོས་ཀྱི་སྐུ།། ཤེས་པ་བཅོས་མེད་དྲང་པོར་གནས།། དཔེར་ན་ཐི་བྱ་ཚང
iiif viewer powered by OpenSeadragon
