| e-texts navigator |
| Wylie |
61b1 འཛིན་ནི།། གསལ་ལ་མི་རྟོག་མི་གཡོ་བའི།། ངོ་བོ་ལ་སོགས་དབྱེ་བ་ཡི།། བརྒྱད་མཚན་གསུམ་གྱི་མན་ངག་གིས།། གཉིད་གསུམ་བསྲེས་པའི་ཆོས་ཉིད་འདི།། ཡེ་ཤེས་རང་བྱུང་ཆེན་པོའི་དོན།། མི་རྟོག་ཡེ་ཤེས་ལྷུན
61b2 གྲུབ་སྟེ།། རྩོལ་བསྒྲུབ་འདས་པའི་བྱང་ཆུབ་སེམས།། གཟུང་འཛིན་མེད་པའི་ཆོས་སྐུ་ལ།། གསལ་ཙམ་ཉིད་ན་དམིགས་པ་མེད།། དེ་བཞིན་ཉིད་དུ་ཀུན་རིག་པས།། དེ་ཁྱབ་གར་གནས་སངས་རྒྱས་ཡིན།། དེ་ཡང
61b3 འདུས་པའི་སྙིང་པོ་ཉོན།། ནམ་མཁའི་ངང་དུ་སྤྲིན་སངས་ལྟར།། ང་ཡི་ཆོས་སྐུ་ངོས་ཟིན་ན།། ཐོག་མ་མེད་ནས་བསགས་པ་ཡི།། རྣམ་རྟོག་སྤྲིན་ནི་དཔག་ཏུ་མེད།། དངོས་མེད་ཆོས་སྐུ་རིག་པ་ཡིས།། རྣམ་རྟོག་སྟོང
61b4 པའི་ངང་དུ་སངས།། འདི་ཤེས་རང་རིག་བསྒོམ་པའི་མཆོག། ཆོས་སྐུ་སྙིང་པོ་བྱང་ཆུབ་ལ།། མཚོན་དུ་མེད་པའི་རྐྱེན་དང་བྲལ།། དེ་བཞིན་ཉིད་དུ་ཀུན་རིག་པས།། དེས་ཁྱབ་ཆོས་སྐུ་ཀུན་གསལ་བའི།། ཀུན་ལ
61b5 དབང་བསྒྱུར་ཐོབ་པ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ངེས་དོན་བསྒོམ་པ་མདོར་བསྡུས་ནས་བསྟན་པའི་ལེའུ་སྟེ་དྲུག་ཅུ་པའོ།། །། དེ
61b6 ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། བྱ་བ་མེད་པའི་སྤྱོད་པ་ནི།། ད་ལྟའི་ལུས་འདི་བླང་བའི་ཚེ།། སྤྱོད་པའི་དབྱེ་བ་རྣམ་དྲུག་གིས།། དོན་རྟོགས་སྤངས་པ་མེད་པ་ཡིས།། ཐིག
iiif viewer powered by OpenSeadragon
