| e-texts navigator |
| Wylie |
61a1 དབྱེ་བ་རྣམ་དྲུག་གིས།། རང་གི་མཚན་ཉིད་དེ་བཞིན་ནོ།། དེ་ཉིད་དུས་མེད་ཆོས་ཀྱི་སྐུ།། ཕྱི་ནང་མེད་པའི་རྣམ་དག་དབྱིངས།། དེ་ཉིད་མཐོང་མེད་ལྟད་མོར་ཆེ།། ཉི་མ་ཤར་ནས་མུན་མེད་ལྟར།། རང
61a2 བྱུང་ངོ་བོ་རིག་པ་ཤར།། དེ་ཙམ་ཉིད་ན་ད་ལྟའི་ཐུགས།། གསང་བ་དམ་པ་ལྟ་བའི་མཆོག། ད་ཡང་འདུས་པའི་སྙིང་པོ་ཉོན།། རང་བྱུང་རིག་པའི་ལྟ་བ་ལ།། དེ་ལ་མ་ནོར་ངེས་ཤེས་སྐྱེས།། སྐྱེས་ཀྱང་དམ་པར་མི
61a3 ཛིན་པ།། འདི་ལྟར་འཛིན་པ་མེད་པར་གསལ།། ཡང་དག་དོན་ལ་གོལ་ས་མེད།། དེ་ཕྱིར་དངོས་མེད་འཛིན་བྲལ་གྱིས།། ཡང་དག་ལྟ་བའི་དགོངས་པ་འདི།། ངེས་པའི་ལུང་དང་མཐུན་གྱུར་ན།། ཀུན་བཟང་ང་དང
61a4 ལྟ་བ་མཐུན།། དེ་ཡང་རྡོ་རྗེ་སེམས་དཔའ་ཉོན།། གཞི་ངེས་སྣང་བ་མ་ངེས་པ།། གར་མཁན་ལག་པ་ཇི་བཞིན་དུ།། སྣ་ཚོགས་སྣང་ཡང་ངོས་གཟུང་མེད།། དེ་ཙམ་ཉིད་ན་གཞི་མི་འགྱུར།། དེ་དོན་མ་ནོར་རྟོགས་པའི
61a5 ཚེ།། རང་གི་མཚན་ཉིད་འགྱུར་བ་མེད།། ཇི་སྐད་བཏགས་ཀྱང་དོན་དང་མཐུན།། རང་བྱུང་ངེས་པའི་ལྟ་བ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ལྟ།
61a6 བ་ངེས་པ་མདོར་བསྡུས་བསྟན་པའི་ལེའུ་སྟེ་ང་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་ཡང་གསུངས་པ།། རང་རིག་ཡེ་ཤེས་གསལ་བ་ཡི།། དོན་དང་མི་འབྲལ་ཏིང
iiif viewer powered by OpenSeadragon
