| e-texts navigator |
| Wylie |
60a1 སེམས་སྟོར།། དེ་ཕྱིར་ཆོས་སྐུ་སྐྱེ་འགག་མེད།། དེ་དོན་ངེས་ཤེས་གོལ་ས་ཆོད།། དེ་ཉིད་ཆོས་ཉིད་གཞི་དང་མཐུན།། དེ་ཕྱིར་གོལ་མེད་ཆོས་ཀྱི་སྐུ།། དེ་ལ་བཙལ་དུ་རྡུལ་ཙམ་མེད།། རྫོགས་པ་ཆེན་པོའི
60a2 ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡུལ་སེམས་པར་དོ་བསྟན་པའི་ལེའུ་སྟེ་ང་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པ
60a3 ཆོས་རྗེ་ཡིས།། ཏིང་འཛིན་པར་དོ་བཀའ་སྩལ་པ།། ཤེས་རབ་རྣམས་ཀྱིས་བར་དོར་དཔྱོད་པ་ནི།། རིག་དཔྱོད་ལྟ་བའི་གཟུང་ཆེན་ནི།། རྒྱུན་དུ་མི་བརྗེད་འབྲལ་མེད་ཀྱིས།། ངེས་དོན་རིག་པའི་རྣལ་འབྱོར་པས།།
60a4 མཉམ་བཞག་རྗེས་ཐོབ་གདམས་ངག་སྐྱེ།། མངལ་ཉིད་བར་དོ་དུས་ཀྱི་ཚེ།། རིག་པའི་ཡེ་ཤེས་གདམས་ངག་གིས།། ནང་གི་སེམས་ལ་བརྟེན་ནས་ནི།། མཉམ་ཉིད་ཡེ་ཤེས་ཀློང་དུ་ཐིམ།། དེ་ཡང་འདུས་པའི་སྙིང་པོ
60a5 ཉོན།། སངས་རྒྱས་སེམས་ཅན་དུས་དང་ནི།། གཉིས་ཀ་མ་ཡིན་གང་གི་དུས།། དེ་དོན་ལུང་ལྡན་དམ་ཚིག་གི།། གཅིག་ཏུ་གསལ་ཐེབ་གདམས་ངག་གིས།། རིག་དཔྱོད་དུས་གསུམ་ངེས་པ་ཡིན།། ཆོས་སྐུ་ཐིག་ལེ
60a6 མངོན་སངས་རྒྱས།། དེ་ཡང་འདུས་པའི་སྙིང་པོ་ཉོན།། ཡང་དག་གསང་བའི་རིག་དཔྱོད་ནི།། དུས་དང་རྣམ་པ་ཐམས་ཅད་དུ།། ལྟ་བ་ངེས་པའི་དོན་གྱིས་བཟུང་།། མ་བརྗེད་འབྲལ་མེད་གདམས་ངག་དོན།། ཡིད་ལ
iiif viewer powered by OpenSeadragon
