| e-texts navigator |
| Wylie |
5a1 ཆོས་སྐུར་ཤར།། དེ་ཡང་རྡོ་རྗེ་སེམས་དཔའ་ཉོན།། དེ་དོན་ཆོས་རྣམས་གསུངས་པ་ནི།། དུས་གསུམ་སངས་རྒྱས་ཐམས་ཅད་ཀྱང་།། རྩ་བ་ཆོས་སྐུ་རྟོགས་པའི་ཕྱིར།། གཟི་ལྡན་ནོར་བུ་རིན་ཆེན
5a2 བཞིན།། ཆོས་རྗེ་སྟོན་པ་ཀུན་བཟང་གིས།། ཐམས་ཅད་ཡེ་ཤེས་ཆེན་པོར་མཁྱེན།། དེ་ཡང་འདུས་པའི་སྙིང་པོ་ཉོན།། དེ་དོན་རང་རིག་ཆོས་ཀྱི་སྐུ།། ཚིག་དང་རང་གིས་བརྗོད་ལས་འདས།། རང་བྱུང་ཡེ་ཤེས་ཐུགས
5a3 ལ་གསལ།། དྲང་སྲོང་མངོན་ཤེས་དཔེ་བཞིན་དུ།། དུས་གསུམ་སངས་རྒྱས་འཁོར་བཅས་ཀྱི།། མཉམ་བཞག་པས་ནི་ཡིད་ཀྱི་གོ།། ངེས་དོན་རྟོགས་ཕྱིར་ཡང་སངས་རྒྱས།། རང་རིག་ཆོས་སྐུའི་བྱིན་རླབས་བཤད།།
5a4 དེ་ནས་ལོངས་སྤྱོད་རྫོགས་པའི་སྐུ།། རྒྱུད་དག་མངོན་དུ་གྱུར་པ་ཡིས།། སྟོན་པ་རྡོ་རྗེ་སེམས་དཔའ་དེས།། བྱིན་གྱིས་བརླབས་པའི་དོན་རིག་ནས།། གཙང་མ་རིས་ཀྱི་ལྷ་གནས་ཀྱང་།། ཡངས་དོག་མེད་པའི་གཞལ
5a5 ཡས་ཁང་།། ཕྱི་ནང་མེད་པར་འོད་གསལ་བའི།། གྲངས་ཀྱི་འོག་མིན་གནས་དེ་རུ།། ལོངས་སྐུ་ཐུགས་ཀྱིས་འདུལ་བའི་དུས།། རིག་འཛིན་འཁོར་ལ་བརྩེར་དགོངས་ཏེ།། སྔ་ཕྱི་མིན་པའི་རིག་པ་འདི།། ད་ལྟའི་དུས
5a6 འདི་ཡིན་པར་གསུངས།། རིག་འཛིན་ཀུན་དགའ་ལྷ་དབང་ལ།། ཐུན་མོང་མ་ཡིན་དབང་བསྐུར་ནས།། དབུ་རྒྱན་བཀའ་རྟགས་རྒྱག་ཤིང་བྱིན།། གསང་མཚན་བཏགས་ནས་རྒྱུད་སྨིན་བྱས།། གསང་སྔགས་ཡང་ཏི
iiif viewer powered by OpenSeadragon
