| e-texts navigator |
| Wylie |
59b1 ལ་སྣང་བ་མེད།། སྣང་མེད་ཆོས་ལ་བསྒོམ་དུ་མེད།། མ་བསྒོམས་གོལ་ས་མེད་པའི་ཕྱིར།། ཅིར་སྣང་གང་ཡང་གྲུབ་པ་མེད།། འཁྲུལ་ངོར་ཡོད་ཀྱང་དོན་མི་འཛིན།། དེ་ཡང་རྡོ་རྗེ་སེམས་དཔའ་ཉོན།། ཡུལ་སེམས
59b2 བར་གྱི་རྟོག་པ་འདི།། རང་ཡན་བཞག་ཀྱང་ཡེངས་མི་སྲིད།། ལུང་ལྡན་ངེས་པའི་གདམས་ངག་གིས།། གོལ་ས་ཆོད་ཕྱིར་སྒྲོན་མི་གོས།། རང་རིག་ཤེས་པ་ཀུན་ཏུ་གཅེས།། དེ་ཙམ་ཉིད་ན་དོན་གྱིས་ཟིན།། ལྷག
59b3 མཐོང་འབྲལ་མེད་ཡེ་ཤེས་གསལ།། དགག་གཞི་བྲལ་བའི་སྣང་བ་ལ།། ཤེས་པ་མ་ཞེན་རང་གསལ་བ།། ཆོས་སྐུ་ཆོས་དབྱིངས་འཛོམ་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། ད་ལྟ་ཡུལ་སེམས་པར་དོ་ལ།། རང
59b4 རིག་རྒྱལ་པོ་ཡེ་ཤེས་འཕྱོ།། འདུ་ཤེས་མ་བཟུང་རིག་པ་འཆར།། དེ་ཙམ་ཉིད་ན་ཆོས་སྐུ་གསལ།། ད་ལྟ་ཉིད་ན་ཡུལ་མེད་ཤེས།། ཆད་ནས་མེད་པ་མ་ཡིན་ཏེ།། སྒྲོ་སྐུར་མིང་ནི་མི་རྟོག་པས།། ཞེན་འཛིན་སྤྲོས་པ་བྲལ
59b5 བ་ཡིན།། ཐེག་བརྒྱད་ཡུལ་ནི་གཞིར་བྱེད་ཀྱང་།། ཡང་ཏིར་ཡུལ་འདི་ཡོད་ཀྱི་བར།། དེ་ཚེ་གོལ་བའི་སྒྲོ་སྐུར་ཡོད།། དེ་ཕྱིར་ཡེ་མེད་ཤེས་གྱུར་ན།། སྣང་བ་དག་ཕྱིར་གོལ་ས་ཆོད།། དེ་ཡང་རྡོ་རྗེ་སེམས་དཔའ་ཉོན།།
59b6 དེ་དག་གདམས་ངག་མདོར་བསྡུ་ན།། ཡུལ་ནི་འཁྲུལ་པའི་བག་ཆགས་བརྟས།། སེམས་ནི་མ་རིག་ཡིད་ལ་རྒྱུ།། དེ་གཉིས་བར་ན་རང་རིག་གནས།། དེ་ཉིད་ལུང་ལྡན་གདམས་ངག་གིས།། ངེས་དོན་ཤེས་པས་ཡུལ
iiif viewer powered by OpenSeadragon
