| e-texts navigator |
| Wylie |
59a1 པོ་ཉོན།། སྐྱེ་ཤི་གཉིས་ཀྱི་བར་དོ་ལ།། ཐར་བར་འདོད་པའི་དད་ལྡན་གྱིས།། ལས་དང་ཐུགས་རྗེ་འཛོམ་པ་ཡི།། ལུང་ལྡན་ངེས་པའི་གདམས་ངག་གིས།། ལུང་ལྡན་ངེས་པའི་བླ་མ་ལ།། ངེས་དོན་རྒྱུད
59a2 འདི་ངོ་སྤྲད་ཕྱིར།། གདམས་ངག་ཞུ་ཕྱིར་ཆགས་མེད་པས།། ལུས་སྲོག་རྫས་ལ་མི་ལྟོས་པས།། བླ་མ་མཉེས་པར་བྱས་གྱུར་ན།། གདམས་ངག་ཅན་ཀུན་རང་སེམས་རྟོགས།། དེ་ཡང་འདུས་པའི་སྙིང་པོ་ཉོན།། མ་ཤི
59a3 མ་སྐྱེས་པར་དོ་ནི།། ད་ལྟ་ལུས་འདི་བླང་བའི་ཚེ།། ངེས་དོན་ཆོས་འདི་འཕྲད་གྱུར་ན།། སྐྱེ་བ་འདི་ཡིས་སངས་རྒྱས་འགྲུབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ
59a4 པའི་རྒུད་ལས། སྐྱེ་ཤི་བར་དོ་བསྟན་པའི་ལེའུ་སྟེ་ང་དྲུག་པའོ།། །། དེ་ནས་ཀུན་རིག་ཆོས་རྗེ་ཡིས།། འདུས་པའི་འཁོར་ལ་བཀའ་སྩལ་པ།། ཡུལ་སེམས་གཉིས་ཀྱི་བར་དོ་ལ།། ཕྱི་ཡི་གོལ་ས་བཅད་པའི
59a5 ཕྱིར།། ཡུལ་གྱི་སྣང་བ་ཅིར་སྣང་ཡང་།། སྣང་བ་མི་འགོག་ཞེན་པ་འགེག། དེ་ཕྱིར་ཞེན་མེད་ཆོས་ཀྱི་དབྱིངས།། དེ་ཡང་འདུས་པའི་སྙིང་པོ་ཉོན།། སྤང་སྡུད་མེད་ཕྱིར་ཅིར་སྣང་ཡང་།། དགག་གཞི་ཀུན་དང་བྲལ་བའི
59a6 ཕྱིར།། དབང་པོ་རང་ཡན་བཏང་གྱུར་ཀྱང་།། སྒྲོ་སྐུར་མེད་ཕྱིར་གནས་ལུགས་ཡིན།། སྔོན་གྱི་སངས་རྒྱས་རྣམས་ཀྱིས་ཀྱང་།། དབང་པོ་རང་ཡན་མ་བརྟུལ་ཀྱང་།། ནམ་མཁའ་འདྲ་སྟེ་མཐར་མ་ལྷུང་།། དེ་ཕྱིར་གཞི
iiif viewer powered by OpenSeadragon
