| e-texts navigator |
| Wylie |
58b1 ལུས་ཀྱི་དྲོད་ཤེར་གྲང་བར་འབྱུང་།། འཆི་ལྟས་མིག་ལྡོག་ཤི་འབྲས་གདོན།། རླུང་ནི་རྣམ་ཤེས་ཐིམ་འགྱུར་ཚེ།། དབུག་བརྩེགས་ཐུམ་ཐུམ་བྱེད་པ་འབྱུང་།། དེ་ཚེ་མི་མནོ་དགུ་ཅིག་བསམ།། སྡུག་བསྔལ་དྲགས་ནས
58b2 དྲན་པ་ཉམས།། གནད་གཅོད་དྲགས་ནས་བག་ཆགས་སོག། དེ་དག་སེམས་ཅན་འཆི་ལྟས་ཡིན།། འཆི་ལྟས་ཕྱི་མ་གསལ་བའི་ཚེ།། སྣང་བ་སྐྱེ་དང་མཆེད་འགྱུར་ནས།། རང་གིས་རང་བསྒྲིབ་འཁོར་བར་འཁྱམས།།
58b3 ད་ཡང་རྡོ་རྗེ་སེམས་དཔའ་ཉོན།། བར་དོ་ལུས་གསུམ་ལེན་འགྱུར་ཏེ།། ཐ་མ་གནས་ངན་ལུས་ལེན་པ།། དང་པོ་རང་བྱུང་རྣམ་ཤེས་དེ།། ཕོ་མོའི་རྐྱེན་གྱིས་ལུས་འཇུག་ཚེ།། རླུང་གཡོས་བག་ཙམ་བྱུང་བའི་དུས།། ཉེར
58b4 ལེན་འདུ་བྱེད་བག་ཙམ་བྱུང་།། དྲོད་ཙམ་གྱིས་ནི་མེ་བྱུང་བས།། འདུ་ཤེས་ཕོ་མོ་བསྐྱེད་པའི་ཚེ།། རླན་ཙམ་གྱིས་ནི་ཆུ་བྱུང་བས།། ཉེར་ལེན་གྱི་ནི་ཚོར་བ་དྲན།། ནུར་ནུར་པོ་ལ་སྲ་བ་ཡིས།། དེ་ལ་གཟུགས་ཆགས་མ
58b5 རིག་པས།། ནང་ནི་ཀུན་བརྟགས་རྒྱུ་བ་དེས།། སྒོ་ལྔའི་རྣམ་ཤེས་ཤུགས་ལས་བྱུང་།། མངལ་དུ་ཆུད་དང་རགས་སྐྱེས་པས།། འབྱུང་བ་བཞི་དུས་སྨིན་པའི་ཕྱིར།། ལུགས་ནས་བྱུང་བས་ཀུན་བརྟགས་པས།། སྣང་བ
58b6 ལུགས་ལ་ངན་རྟོག་ཞུགས།། ཕ་མས་ངན་བརླག་ངན་རྟོག་ཞེ་ན།། ཆོས་བརྒྱད་དམ་པར་བརྟས་ནས་ནི།། མངོན་རྒྱུད་བག་ཆགས་གཉིས་ཚང་ནས།། རྐྱེན་བཞི་ཚང་ཕྱིར་འཁོར་བར་སྨིན།། དེ་ཡང་འདུས་པའི་སྙིང
iiif viewer powered by OpenSeadragon
