| e-texts navigator |
| Wylie |
58a1 ཕྱིར་མྱང་འདས་གཞི།། ཆོས་རྣམས་ཀུན་གྱི་རྩ་བ་ནི།། ཡེ་ནས་རང་བཞིན་ལྷུན་གྱིས་གྲུབ།། དེ་ཡང་རྡོ་རྗེ་སེམས་དཔའ་ཉོན།། རང་བཞིན་ལུས་ཞེས་བྱ་བ་ནི།། འཁྲུལ་མ་མྱོང་བས་མ་རིག་མེད།།
58a2 རྟོགས་མ་མྱོང་བས་ཡེ་ཤེས་མེད།། དེ་ཕྱིར་ཡུལ་ལ་ཡེངས་པ་དང་།། མ་ཡེངས་རང་དུ་ཤན་མ་ཕྱེད།། གང་གི་མཐས་ཀྱང་མ་རེག་ཕྱིར།། འཁོར་འདས་གཞི་ཞེས་དེ་ལ་བྱ།། དེ་ཡང་འདུས་པའི་སྙིང་པོ་ཉོན།། འཁྲུལ
58a3 པའི་གཞི་ཞེས་ལུང་མ་བསྟན།། གང་ལ་མི་རྟོག་དོན་མ་ཟིན།། ཡིད་ཙམ་དྲན་ཀྱང་རིམ་གྱིས་འགྲིབས།། མུན་དཀྱིལ་སོང་ཕྱིར་དྲན་པ་ཆུང་།། ཐིབས་ཀྱིས་འཐིབ་པས་ལུང་མ་བསྟན།། རྐྱེན་དབང་འགྱུར་ཕྱིར་འཁོར
58a4 བའི་གཞི།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། འཁོར་འདས་པར་དོ་བསྟན་པའི་ལེའུ་སྟེ་ང་ལྔ་པའོ།། །། དེ་ནས་འདུས་པའི་ཚོགས་རྣམས་ལ།།
58a5 ཀུན་རིག་སྟོན་པ་ཆོས་རྗེ་ཡིས།། སྐྱེ་ཤི་བར་དོ་བཀའ་སྩལ་པ།། དང་པོ་ཤི་བའི་དུས་བྱུང་ཚེ།། གདམས་ངག་མེད་པའི་སྐྱེ་བོ་དང་།། ལྷ་མེད་སྔགས་བཙུན་གང་ལའང་རུང་།། འཆི་ལྟས་རིམ་པར་འབྱུང་བ་ནི།། ས་ནི་ཆུ
58a6 ལ་ཐིམ་པ་ཡིས།། ཕུང་པོའི་ཟུངས་ནི་མི་ཐུབ་ལྕི།། ལུས་ཀྱི་བཀྲག་ཉམས་མོག་པོར་འགྱུར།། ཆུ་ནི་མེ་ལ་ཐིམ་འགྱུར་ཚེ།། ཁ་སྐོམ་མཆུ་དང་ལྕེ་རྡིབ་འོང་།། ཉམ་ཆུང་སྨྲ་ནི་མི་ནུས་འབྱུང་།། དེ་ནས་མེ་ལ་རླུང་ཐིམ་ཚེ།།
iiif viewer powered by OpenSeadragon
