| e-texts navigator |
| Wylie |
57b1 ངོ་བོ་ཉིད་ཀྱི་སྐུ།། རང་བྱུང་ལུས་ལ་རིག་པའི་ཐུགས།། འཁོར་འདས་མེད་ཕྱིར་གཞི་ཉིད་མིན།། དེ་ཡང་རྡོ་རྗེ་སེམས་དཔའ་ཉོན།། གཞི་ལ་སངས་རྒྱས་མེད་པའི་ཕྱིར།། ལུང་ལྡན་གདམས་ངག་བསྟན་པ་མེད།། དེ
57b2 ཕྱིར་རྟོགས་པ་མངོན་གྱུར་མིན།། སངས་རྒྱས་སྐམ་པོས་མ་མཛད་པས།། ཐེག་པ་རིམ་དགུར་དབྱེ་བ་མེད།། དེ་ཕྱིར་མྱ་ངན་འདས་མ་རིག། རང་བཞིན་གཞི་ཡི་ངོ་བོ་ལ།། མ་རིག་བག་ཆགས་མ་གཡོས་ཤིང་།། ཞེན
57b3 པའི་རྟོག་པ་མེད་པའི་ཕྱིར།། སེམས་ཅན་སྒྲིན་པོས་མ་བཅོས་པས། ཉོན་མོངས་དུག་ལྔ་མེད་པའི་ཕྱིར།། འཁོར་བའི་མཐའ་ཡིས་སྐྱོན་མ་གོས།། དེ་ཡང་འདུས་པའི་སྙིང་པོ་ཉོན།། རང་བྱུང་ངོ་བོ་གཞི་ཉིད་ལས།། རྡུལ
57b4 ཕྲན་དག་གི་རྒྱུས་མ་སྐྱེད།། འབྱུང་བ་ལྔ་ལ་རག་མ་ལུས།། དེ་ཕྱིར་གཉེན་པོ་ཅིས་མི་ཚུགས།། སྣང་བ་གཞི་ལ་མེད་ཅེས་བྱ།། ཡང་དག་ཆོས་སྐུ་ངེས་པར་ཡོད།། སེམས་ཉིད་སྐྱེ་ཤི་མེད་པའི་ཕྱིར།། ཐོག་མ་ཐ་མ་མེད
57b5 པར་གནས།། དེ་ཕྱིར་དུས་གསུམ་མི་འགྱུར་བས།། དངོས་མེད་ཁྱབ་པས་ནམ་མཁའ་འདྲ།། མཐའ་ནི་སྒྲོ་སྐུར་བྲལ་བ་དང་།། ཡོད་པ་བྲལ་ཕྱིར་རྟག་པ་མེད།། མེད་པ་མ་ཡིན་ཆད་པ་མིན།། ཡོད་མེད་མཐར་བྲལ་རང
57b6 བྱུང་གཞི།། རིག་པ་རང་གི་ངོ་བོ་ལ།། སྐྱེ་འགག་མེད་ཕྱིར་རང་གསལ་སྐུ།། ས་ལེ་སིང་ངེ་ཕྱི་ནང་མེད།། དེ་ཕྱིར་རང་རིག་ཆོས་སྐུ་ཉིད།། དེ་ཡང་འདུས་པའི་སྙིང་པོ་ཉོན།། རང་བྱུང་ངོ་བོ་ཉིད་སྐུ་ནི།། འདུ་འབྲལ་མེད
iiif viewer powered by OpenSeadragon
