| e-texts navigator |
| Wylie |
57a1 དམན་མེད་པ་སྟེ།། སྟེང་འོག་མཐའ་དབུས་མེད་པ་ཡི།། རང་བྱུང་ཆོས་སྐུ་གནས་ཀྱི་མཆོག། དེ་ཕྱིར་ཡེ་ཤེས་རང་གནས་ཡིན།། ཡེ་ཤེས་མི་རྟོག་སྐྱེ་མེད་པ།། སེམས་ཅན་ཀུན་གྱི་རྒྱུད་ལ་གནས།།
57a2 དེ་རྟོགས་ཡེ་ཤེས་ཆོས་ཀྱི་སྐུ།། དེ་ཕྱིར་སངས་རྒྱས་དགོངས་པ་ཡིན།། ཆོས་ནི་ཇི་བཞིན་རྒྱལ་བའི་བཀའ།། དྲི་མེད་ཚིག་ནི་གསུང་སྙན་གྱིས།། མ་རིག་མུན་སེལ་ཆོས་ཀྱི་མཆོག། དེ་ཕྱིར་ངེས་དོན་ཆོས་འདི་གཅེས།།
57a3 ད་ཡང་རྡོ་རྗེ་སེམས་དཔའ་ཉོན།། དེ་དག་རང་གཞུང་དབྱེ་བ་ཡང་།། གདུལ་བྱའི་འཁོར་ལ་བསྟན་པ་ལས།། དོན་དུ་ཆོས་སྐུ་གཅིག་ལས་མེད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ
57a4 དང་མཉམ་པའི་རྒྱུད་ལས། ཡང་ཏིའི་རང་གཞུང་འདུས་པར་བསྟན་པའི་ལེའུ་སྟེ་ང་བཞི་པའོ།། སྡོམ་དུ་བསྡུས་ཏེ་བསྟན་པ་བཅུ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡི།། འདུས་པའི་འཁོར་ལ་ཕན་དོན
57a5 དུ།། སངས་རྒྱས་ཀུན་རིག་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། འཁོར་འདས་པར་དོའི་ལུས་ནི་གང་།། སྐྱེ་ཤི་བར་དོའི་གདམས་ངག་གང་།། ཡུལ་སེམས་པར་དོ་ཅིས་མི་འགལ།། ཏིང་འཛིན་པར
57a6 དོ་འབྲལ་མེད་གང་།། སྲིད་པ་བར་དོ་འབྲས་བུ་ཅི།། ཀུན་རིག་རྒྱལ་པོས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། དང་པོ་འཁོར་འདས་པར་དོ་ལ།། རང་བྱུང
iiif viewer powered by OpenSeadragon
