| e-texts navigator |
| Wylie |
55b1 པའི་སེམས་སུ་འདུས།། དེ་ཕྱིར་སྣང་བ་ངེས་མེད་ཡིན།། ཤེལ་སྒོང་དག་གི་མདུན་དུ་ནི།། ཁ་དོག་སྣ་ཚོགས་རས་བཞག་པས།། ཤེལ་སྒོང་ཉིད་ཀྱང་དེ་ལྟར་སྣང་།། སྣང་ཡང་ཤེལ་ལས་གཡོས་པ་མེད།། དེ་ཕྱིར
55b2 རང་བྱུང་ངོ་བོ་ལ།། གཟུང་འཛིན་རྐྱེན་གྱིས་རིགས་དྲུག་བྱུང་།། འཁྲུལ་པའི་ངོ་བོ་ཅིར་སྣང་ཡང་།། སྣང་ཡང་གཞི་ལས་འགྱུར་བ་མེད།། དེ་ཡང་འདུས་པའི་སྙིང་པོ་ཉོན།། གསེར་བཟང་ལག་གིས་བསྒྱུར་ཙམ་ན།།
55b3 ཆོལ་ཟངས་དྲི་ཆུའི་སྣོད་བྱས་ན།། གསེར་ཡང་ངན་པའི་རྫས་སུ་སྣང་།། དེ་བཞིན་འཁྲུལ་པས་བརྟགས་ཙ་ན།། ཡུལ་ཡང་མ་དག་འཇིག་རྟེན་ཁམས།། ངམ་གྲོག་གཡང་ས་ཚེར་དོང་མཐོང་།། གསེར་སྐུ་མཆོད་རྟེན
55b4 བྱས་ཙ་ན།། ཚོགས་བསགས་རྟེན་དུ་འགྱུར་བའི་ཕྱིར།། གསེར་ཡང་བཟང་པོའི་རྫས་སུ་མཐོང་།། ཡེ་ཤེས་ཅན་གྱི་ངོ་གང་ལ།། ཡུལ་ཡང་ཞིང་ཁམས་རྣམ་པར་དག། རིན་ཆེན་གསེར་གྱི་ངོ་བོ་ལ།། གསེར་གྱི་རྒྱུ་ལ
55b5 བཟང་ངན་མེད།། དེ་བཞིན་ཆོས་སྐུའི་ངོ་གང་ལ།། སྣང་དང་མི་སྣང་གཞི་ལ་མེད།། དེ་ཡང་འདུས་པའི་སྙིང་པོ་ཉོན།། སྣ་ཚོགས་དར་གྱི་རྣམ་པ་ལ།། ཟ་འོག་སྣམ་བུ་བྱས་ཙམ་ན།། སྣ་ཚོགས་དར་གྱི་མིང་དང་བྲལ།།
55b6 ཟ་འོག་སྣམ་བུར་གཅིག་པའི་ཕྱིར།། ཆོས་སྐུ་རང་རིག་སེམས་ཡིན་ཀྱང་།། ལུང་ལྡན་རྐྱེན་གྱིས་བསྟན་ཙམ་ན།། སྣ་ཚོགས་འཛིན་པའི་སེམས་དང་བྲལ།། ཐིག་ལེ་ཉག་གཅིག་ཆེན་པོར་འདུས།། དཔེར་ན་སྨན་དུག
iiif viewer powered by OpenSeadragon
