| e-texts navigator |
| Wylie |
53b1 རྐྱེན་གྱིས་མ་བསྐྱེད་པར།། ཆོས་རྣམས་ཀུན་གྱི་སྙིང་པོ་རུ།། རང་བྱུང་ལྷུན་གྱིས་གྲུབ་པའི་སྐུ།། སངས་རྒྱས་ཀུན་གྱི་དགོངས་པ་འདུས།། དགོངས་པ་དེ་དག་མཚོན་པའི་ཕྱིར།། རང་སེམས་བླ་མར་གསུངས་པ་ལ།།
53b2 དབྱེ་བ་རྣམ་པ་གསུམ་ཡོད་དེ།། སེམས་ཉིད་རྒྱུ་ཡི་བླ་མ་དང་།། འབྲས་བུ་ཡེ་ཤེས་བླ་མ་དང་།། སྣང་བ་ཆོས་དབྱིངས་བླ་མའོ།། དེ་ཡང་འདུས་པའི་སྙིང་པོ་ཉོན།། སེམས་ཉིད་རྒྱུ་ཡི་བླ་མ་ནི།། ལོག་སྲེད་ཅན་ནི་མ
53b3 ཡིན་ཏེ།། ལུང་རིགས་ལྡན་པའི་གང་ཟག་གིས།། སེམས་ཅན་ཆོས་ལ་བློ་གཏད་པས།། བདེ་དང་སྡུག་བསྔལ་གཉིས་སུ་མཐོང་།། བདེ་སྡུག་གཉིས་ཀྱིས་དོན་བརྟགས་པས།། དགེ་སྡིག་གཉིས་ལས་བྱུང་བར་ངེས།།
53b4 ད་པ་བརྩོན་འགྲུབ་ཤེས་རབ་སྐྱེས།། རྣམ་པར་རྟོག་པའི་བློ་སྦྱངས་ཕྱིར།། དྲང་བའི་དོན་ལ་དགོངས་ནས་ནི།། སྒྲིབ་སྦྱངས་ཚོགས་རྫོགས་བྱེད་པར་གསུངས།། དེ་ཡང་འཁོར་གྱི་སྙིང་པོ་ཉོན།། འབྲས་བུ་ཡེ་ཤེས་བླ
53b5 མ་ནི།། ངེས་པའི་དོན་ལ་དགོངས་པའི་ཕྱིར།། འཁོར་འདས་འབྱུང་བས་མ་རེག་ཀྱང་།། ཤེས་པ་ངོས་ཟིན་མ་བཅོས་པ།། རང་རིག་ཆོས་སྐུ་ད་ལྟའི་ཐུགས།། ངོ་བོ་ལོངས་སྤྱོད་རྫོགས་སྐུར་སྣང་།། ཐུགས་རྗེ་སྤྲུལ་པའི
53b6 སྐུ་རུ་བྱུང་།། གཞི་ཡི་ཆོས་སྐུ་གཅིག་པ་ལ།། གདུལ་བྱ་ཡོན་ཏན་གསུམ་དུ་བཤད།། ད་ཡང་འདུས་པའི་སྙིང་པོ་ཉོན།། སྣང་བ་ཆོས་དབྱིངས་བླ་མ་ནི།། འབྱུང་ཆེན་ལྔ་ཡིས་བླ་མ་སྟེ།། འདོད་ཡོན་ལ་སོགས་རྣམ་ལྔ་ནི།།
iiif viewer powered by OpenSeadragon
