| e-texts navigator |
| Wylie |
53a1 དགག་མེད་པའི་བསྒོམ་པ་ཤར།། བླང་དོར་མེད་པའི་སྤྱོད་པ་ལ།། རེ་དོགས་མེད་པའི་འབྲས་བུ་གནས།། རིགས་ལྔའི་སངས་རྒྱས་དགོངས་འདུས་པ།། རང་བྱུང་སྐྱེ་མེད་རང་གསལ་བ།། འགག་མེད
53a2 མི་འགྱུར་རིག་པ་དེ།། དེ་ཡང་གནས་པའི་དོན་ཤེས་པས།། རྡོ་རྗེ་སེམས་དཔའི་དགོངས་པ་ཡིན།། མི་ཤིགས་ཡེ་ཤེས་རྡོ་རྗེའི་སྐུ།། ཆོས་ཉིད་མ་བཅོས་མ་བསླད་པ།། མི་ཟད་གཏེར་གྱིས་དགོངས་པ་དེ།། འདུལ
53a3 འབྲལ་མེད་པའི་ཡེ་ཤེས་ཐུགས།། རིན་ཆེན་འབྱུང་ལྡན་དགོངས་པར་འདུས།། ཆོས་ཉིད་མཐའ་ཡས་ཁྱབ་གད་ལ་ལ།། མ་བྱུང་མ་སྐྱེས་ཆོས་ཉིད་ལ།། འཕེལ་འགྲིབ་མེད་པར་རང་སྣང་བ།། སྣང་བ་མཐའ་ཡས
53a4 དགོངས་པར་འདུས།། སངས་རྒྱས་ཡེ་ཤེས་ད་ལྟ་ཉིད།། དེ་རྟོགས་རང་བྱུང་ཆོས་ཉིད་གསལ།། དོན་ཡོད་གྲུབ་པའི་དགོངས་པ་སྟེ།། དེ་ལས་འགྱུར་མེད་སངས་རྒྱས་ཐུགས།། ཡེ་ཤེས་ལུས་ཅན་ཆོས་ཀྱི་སྐུ།། དེ་ལྡན
53a5 སྣང་བ་ཡུལ་རྣམས་ལ།། ཞེན་མེད་རང་བྱུང་ཡེ་ཤེས་གསལ།། རྣམ་པར་སྣང་མཛད་དགོངས་པར་འདུས།། དེ་ཡང་རྡོ་རྗེ་སེམས་དཔའ་ཉོན།། དཔེ་ནི་ཀུན་དཔེ་ནམ་མཁར་འདུས།། དོན་ནི་ཀུན་འདུས་ཆོས་སྐུར
53a6 འདུས།། རྟགས་ནི་བྱང་ཆུབ་སེམས་སུ་འདུས།། གཏན་ཚིགས་རང་བྱུང་སྙིང་པོར་འདུས།། དེ་ཡང་འདུས་པའི་སྙིང་པོ་ཉོན།། དུས་གསུམ་སངས་རྒྱས་དགོངས་འདུས་པ།། འདུས་མ་བྱས་པའི་ཡེ་ཤེས་ཏེ།། རྒྱུ་དང
iiif viewer powered by OpenSeadragon
