| e-texts navigator |
| Wylie |
52b1 མེད།། ཀུན་གཞི་མུན་གསེབ་དོན་རྙེད་ན།། རྟོགས་མ་ཐག་ཏུ་སངས་རྒྱས་ཡིན།། དེ་ཡང་འདུས་པའི་སྙིང་པོ་ཉོན།། དཔེ་ལས་དོན་གྱི་ཁྱད་པར་འཕགས།། བེམ་རིག་ཤན་འབྱེད་ཡེ་ཤེས་ཡིན།། བེམ་པོ་བྱ་བའི་མིང
52b2 མེད་དོ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཐུན་མོང་དཔེ་ལས་དོན་ཁྱད་པར་དུ་འཕགས་པར་བསྟན་པའི་ལེའུ་སྟེ་ཞེ་དགུ་པའོ།། སྡོམ་དུ་བསྡུས་ཏེ
52b3 བསྟན་པ་བཅུ་པའོ།། །། དེ་ནས་འདུས་པའི་སྙིང་པོ་ཡི།། དད་ལྡན་འཁོར་གྱི་དོན་ཆེད་དུ།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་དོན་ནི་འདི་སྐད་གསོལ།། སངས་རྒྱས་དགོངས་པ་གང་དུ་ཡང་།། རྒྱུ
52b4 འབྲས་ངེས་ཚིག་ཇི་ལྟར་འདུས།། ཤེས་རབ་རྣམ་གསུམ་ཇི་ལྟར་དབྱེ།། དཔེ་དང་དོན་དུ་ཇི་ལྟར་འདུས།། རྫོགས་ཆེན་རང་གཞུང་ཇི་ལྟར་འདུས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན
52b5 ནས།། འདུས་པའི་འཁོར་ལ་བཀའ་སྩལ་པ།། སངས་རྒྱས་ཀུན་གྱི་དགོངས་པའི་ཆོས།། ངེས་དོན་བླ་མ་དམ་པ་ཡི།། གདམས་ངག་ཁྱད་པར་ཅན་དུ་འདུས།། དཔེ་ཡིས་འདུས་ལ་དོན་གྱིས་འདུས།། རྟོགས་དང་གཏན
52b6 ཚིགས་འདུས་པ་ཡི།། དོན་ནི་རང་བྱུང་ཆོས་སྐུར་འདུས།། དེ་ཡང་རྡོ་རྗེ་སེམས་དཔའ་ཉོན།། སངས་རྒྱས་ཀུན་གྱི་དགོངས་པ་ནི། ཀུན་ཏུ་བཟང་པོའི་དགོངས་པར་འདུས།། འཕོ་འགྱུར་མེད་པའི་བལྟ་བ་ལ།། སྐྱེ
iiif viewer powered by OpenSeadragon
