| e-texts navigator |
| Wylie |
52a1 པར་ནི།། འགྱུར་མེད་གསལ་བས་ཁྱད་པར་འཕགས།། བེ་ཌཱུ་ར་ཁ་དོག་གསལ་དངས་ཡང་།། འཁྲུལ་བློ་ཡིན་ཕྱིར་བརྟགས་པ་ཙམ།། རིག་པ་གསལ་དང་དངོས་པོ་མེད།། ལྷག་མཐོང་དོན་ནི་ཁྱད་པར
52a2 འཕགས།། པདྨ་སྐྱོན་གྱིས་མ་གོས་པར།། དུས་ཟད་རྐྱེན་གྱིས་རང་བརླག་ཀྱང་།། རང་རིག་ཆོས་སྐྲ་གོལ་སྒྲིབ་མེད།། དུས་དང་རྐྱེན་མེད་ཁྱད་པར་འཕགས།། དེ་ཡང་འདུས་པའི་སྙིང་པོ་ཉོན།། ཏིལ་འབྲུ་མར་གྱིས
52a3 ཁྱབ་ཀྱང་ནི།། རྐྱེན་གྱིས་བསྐྱེད་ཕྱིར་ཆོས་སྐུ་མིན།། རང་རིག་ཡེ་ཤེས་གདམས་ངག་ལ།། རྩོལ་བ་མི་དགོས་ཁྱད་པར་འཕགས།། མེ་ལོང་གཟུགས་བརྙན་དངོས་མེད་བཞིན།། སྣང་ལ་དོན་མེད་འཁྲུལ་པ་ཡིན།། གཞི
52a4 ཉིད་རང་གསལ་རིག་པར་ཤེས།། དེ་ཕྱིར་ཆོས་སྐུ་ཁྱད་པར་འཕགས།། སྒྲོན་མས་འཇིག་རྟེན་མུན་སེལ་ཀྱང་།། མ་རིག་མུན་པ་སེལ་མི་ནུས།། རང་རིག་ལུང་གི་སྒྲོན་མ་ཡིས།། ཆོས་སྐུའི་རྟོགས་པ་ཁྱད་པར
52a5 འཕགས།། ད་ཡང་འདུས་པའི་སྙིང་པོ་ཉོན།། རིན་ཆེན་ཡོན་ཏན་ཀུན་ལྡན་ཡང་།། སྤྲུལ་པའི་སྐུ་མིན་ཡོད་མེད་སྲིད།། ངེས་དོན་གདམས་ངག་ཁྱད་པར་འཕགས།། སྐལ་ལྡན་ཅན་ལ་ཁྱད་པར་འཕགས།། མ་གི་ཏ
52a6 ཡིས་དུག་འཇོམས་ཀྱང་།། མ་རིག་སྒྲིབ་པ་འཇོམས་མི་ནུས།། བླ་མ་ལུང་ལྡན་སྨན་མཆོག་གིས།། དུག་ལྔའི་ནད་འཇོམས་ཁྱད་པར་འཕགས།། གསེར་ནི་རྩོལ་བས་རྙེད་འགྱུར་ཀྱང་།། བེམ་པོའི་ནོར་ལ་བྱང་ཆུབ
iiif viewer powered by OpenSeadragon
