| e-texts navigator |
| Wylie |
51b1 འཕགས།། ཨུ་དུམ་ཝ་ར་མཚོ་ལ་གནས།། ཙལ་གྱིས་མི་རྙེད་ཤིན་ཏུ་དཀའ།། རང་ལ་གནས་པའི་ཆོས་སྐུ་ནི།། ལུང་ལྡན་སྟོན་ཡོད་ཁྱད་པར་འཕགས།། ད་ཡང་འཁོར་གྱི་སྙིང་པོ་ཉོན།། ས་གཞི་ཀུན་བསྐྱེད་རྟེན་བྱེད
51b2 ཀྱང་།། འཇིག་ཆགས་སྟོང་པ་ཡོད་པ་ཡིན།། ཡེ་ཤེས་དུས་གསུམ་འགྱུར་བ་མེད།། ཆོས་སྐུ་རིག་པ་ཁྱད་པར་འཕགས།། ཆུ་བོ་རྒྱུན་དུ་འབབ་འགྱུར་ཡང་།། འགྲོ་འོང་ཡོད་ལ་རིག་པ་མེད།། ཡེ་ཤེས་རིག་པའི་ཆོས་སྐུ
51b3 ནི།། གར་ཡང་མི་འགྲོ་ཁྱད་པར་འཕགས།། དུས་ཀྱིས་འབྲུག་ཀྱང་རྐྱེན་ལས་བྱུང་།། དུས་བཞི་ཉལ་ལངས་འཁྲུལ་པའི་བློ།། ཡེ་ཤེས་འཁོར་འདས་ཐིག་ལེ་གཅིག། དབྱེར་མེད་ཆོས་སྐུ་ཁྱད་པར་འཕགས།། དེ་ཡང
51b4 འདུས་པའི་སྙིང་པོ་ཉོན།། ཆོས་སྐྱོང་དད་ལྡན་ཚོགས་གསོག་ཀྱང་།། དྲང་དོན་ཆོས་ལ་སྤྱོད་པ་ཡིན།། ངེས་དོན་ཡང་ཏི་རྫོགས་པ་ལ།། ཚོགས་གཉིས་ཚིག་རྫོགས་ཁྱད་པར་འཕགས།། གྱད་ལ་མི་འཚུགས་ཀུན
51b5 འཇོམས་ཀྱང་།། ཆོས་བརྒྱད་ཡོད་ཕྱིར་འཁོར་བར་ལྟུང་།། རང་རིག་ཡེ་ཤེས་གྱད་ཆེན་ནི།། འཁོར་འདས་རྫོགས་ཕྱིར་ཁྱད་པར་འཕགས།། དེད་དཔོན་ས་མཁན་ཚོང་པ་ཡང་།། ཞེན་པའི་ཆགས་པས་ཡེ་ཤེས་མེད།།
51b6 ལུང་ལྡན་བླ་མས་དོན་བསྟན་ན།། ཞེན་པའི་དོན་ཞེས་ཁྱད་པར་འཕགས།། དེ་ཡང་འདུས་པའི་སྙིང་པོ་ཉོན།། ཆུ་ཤེལ་གཟུགས་བརྙན་གསལ་གྱུར་ཀྱང་།། ཁ་དོག་རྐྱེན་གྱིས་འགྱུར་ཕྱིར་འཁྲུལ།། ཆོས་སྐུ་ཕྱི་ནང་མེད
iiif viewer powered by OpenSeadragon
