| e-texts navigator |
| Wylie |
51a1 དབྱེ་བ་གཅེས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཁྱད་པར་གྱི་དཔེ་མཚོན་ཚིག་སྟོན་པའི་ལེའུ་སྟེ་ཞེ་བརྒྱད་པའོ།། །། དེ་ནས
51a2 ཀུན་རིག་སྟོན་པ་ཡིས།། འདུས་པའི་དད་ལྡན་འཁོར་རྣམས་ལ།། དཔེ་ལས་དོན་ནི་འཕགས་པར་ནི།། ཆད་དུ་དགོངས་ཏེ་བཀའ་སྩལ་པ།། ནམ་མཁའ་ཡངས་མཐོ་འདུས་མ་བྱས།། རིས་མེད་འཕྱལ་བ་སྟོང་པ
51a3 ཡིན།། ཆོས་སྐུ་རིག་པ་འབྲལ་མེད་ཀློང་།། དེ་ཕྱིར་ཆོས་ཉིད་ཁྱད་པར་འཕགས།། ཉི་མ་རང་གསལ་ཀུན་དྲོ་ཡང་།། འཆར་ནུབ་ཡོད་ཕྱིར་འདུས་བྱས་ཡིན།། ཡེ་ཤེས་རིག་པ་རྒྱུན་དུ་གནས།། དེ་ཕྱིར་ཆོས་ཉིད་ཁྱད
51a4 པར་འཕགས།། ཟླ་བ་གསལ་ཞིང་བསིལ་ཀྱང་ནི།། འཕེལ་འགྲིབ་ཡོད་ཕྱིར་མི་རྟག་པ།། རང་བྱུང་ཡེ་ཤེས་འགྱུར་མེད་ཕྱིར།། ཆོས་སྐུའི་ངོ་བོ་ཁྱད་པར་འཕགས།། སྐར་མ་མ་འདྲེས་ཡོངས་རྫོགས་ཀྱང་།། རི་རབ
51a5 འཁོར་ཕྱིར་ཆོས་ཉིད་མིན།། རང་རིག་འགྲོ་འོང་མེད་པར་གནས།། དེ་ཕྱིར་ཆོས་སྐུ་ཁྱད་པར་འཕགས།། དེ་ཡང་རྡོ་རྗེ་སེམས་དཔའ་ཉོན།། རྒྱ་མཚོ་བྱིངས་མང་ནོར་ཡོད་ཀྱང་།། འདུས་བྱས་ལས་ལས་བསྐྱེད་པ
51a6 ཡིན།། རང་བྱུང་རིག་པ་འདུས་མ་བྱས།། བག་ཆགས་འཛིན་མེད་ཁྱད་པར་འཕགས།། རི་བོ་མི་འགྱུར་ཀུན་རྟེན་ཡང་།། རྡུལ་ཕྲན་རྒྱུ་ལས་སྐྱེས་པ་ཡིན།། རྒྱུ་དང་རྐྱེན་ལས་མ་བྱུང་བས།། རང་གསལ་རིག་པ་ཁྱད་པར
iiif viewer powered by OpenSeadragon
