| e-texts navigator |
| Wylie |
50b1 འཛམ་གླིང་ནམ་མཁའ་ཀུན་ལ་ཁྱབ།། དེ་ཕྱིར་རིན་ཆེན་སྙིང་པོ་བླངས།། ཆོས་ཉིད་སྙིང་པོ་དེ་བཞིན་ནོ།། པདྨ་སྐྱེ་ས་འདམ་ཡིན་ཀྱང་།། ཁ་དོག་དབྱིབས་ནི་ཇི་ལྟར་ཡང་།། ཉེས་པས་མི་གོས་གསལ་ལ་འཚེར།། ཆོས
50b2 ཉིད་ངོ་བོ་དེ་བཞིན་ནོ།། དེ་ཡང་འཁོར་གྱི་སྙིང་པོ་ཉོན།། ཏིལ་ལ་མར་གྱི་རྒྱུན་གནས་ཁྱབ།། རྩོལ་བའི་རྐྱེན་གྱིས་མར་ཁུ་འབྱུང་།། སེམས་ཅན་ཀུན་ལ་གནས་པ་ཡིན།། རང་བྱུང་ཆོས་ཉིད་དེ་བཞིན་ནོ།། མེ་ལོང་བྱེད
50b3 གཟུགས་འབྱུང་བ་ཡང་།། གཟུགས་བརྙན་བྱེད་ནི་དངོས་མ་ཡིན།། དོན་ལ་མེད་ཀྱང་སྣང་དུ་རུང་།། ཆོས་ཉིད་ངོ་བོ་དེ་བཞིན་ནོ།། སྒྲོན་མེ་ཇི་ལྟར་མུན་སེལ་བ།། སྐྱེས་བུའི་ཐབས་ཀྱི་རྐྱེན་གྱིས་ནི།། མར་མེ་ལ་སོགས
50b4 འོད་ཀྱིས་སེལ།། ཆོས་ཉིད་ངོ་བོ་དེ་བཞིན་ནོ།། དེ་ཡང་འཁོར་གྱི་སྙིང་པོ་ཉོན།། རིན་ཆེན་ཡོན་ཏན་ཀུན་འབྱུང་ཡང་།། བསོད་ནམས་ཅན་ལ་འབྱུང་བ་ལས།། ཚོགས་མ་བསགས་ལ་འབྱུང་བ་མིན།། ཆོས་ཉིད་ངོ་བོ་དེ
50b5 བཞིན་ནོ།། སྨན་མཆོག་རྒྱལ་པོ་མ་གི་ཏ།། དུག་རྣམས་སྨན་དུ་འགྱུར་བ་དེ།། ཐབས་མཁས་བཟའ་ལེགས་ཀུན་གྱི་སྨན།། ཆོས་ཉིད་ངོ་བོ་དེ་བཞིན་ནོ།། གསེར་ནི་ས་ཡི་གསེབ་ནས་འབྱུང་།། ཐུན་མོང་རིན་ཆེན་ཀུན
50b6 གྱི་གཏེར།། རྩོལ་བས་བསོད་ནམས་ལྡན་པས་རྙེད།། ཆོས་ཉིད་ངོ་བོ་དེ་བཞིན་ནོ།། དཔེ་ཡིས་དབྱེ་བ་རྣམས་མང་ཡང་།། རེ་ཞིག་མཚོན་ཚིག་ཙམ་དུ་བས།། དེ་ཉིད་ཤེས་ན་དཔེ་མི་དགོས།། དེ་ཕྱིར་དཔེ་དོན
iiif viewer powered by OpenSeadragon
