| e-texts navigator |
| Wylie |
4b1 གཞན་གྱིས་སེལ་བར་ནུས་མིན་ཕྱིར།། ངེས་དོན་བཀའ་ཡི་སྒྲོན་མ་འདི།། མ་རིག་མུན་སེལ་ཉི་ཟླ་ཆེ།། མ་རིག་མུན་པ་རྩད་ནས་འཇོམས།། འཁོར་འདས་འབྱུང་བའི་རྩ་བ་ནི།། ཡེ་ཤེས་མ་རིག་ཡིན་པའི་ཕྱིར།། ཐོག
4b2 མའི་བྱུང་ཚུལ་སུས་ཤེས་པ།། མ་རིག་མུན་པ་སེལ་བའི་མཆོག། དེ་ཡང་རྡོ་རྗེ་སེམས་དཔའ་ཉོན།། མ་རིག་མུན་སེལ་ཉི་ཟླ་ཆེ།། འཆར་ནུབ་ཡོད་ཕྱིར་ཉི་ཟླ་ཆེ།། དེ་བཞིན་ཐེག་བརྒྱད་ཆོས་ཀུན་སྤང་།། གཞི་ཉིད་མ
4b3 ཤེས་འཇོམས་མི་ནུས།། ཡང་ཏི་ཐེག་ཆེན་སྙིང་པོ་འདི།། ངེས་ཤེས་དོན་ལྡན་ལུང་རྟོགས་ན།། མ་རིག་མུན་པ་སེལ་ཞེས་བྱ།། རིན་ཆེན་འོད་ལ་འཆར་ནུབ་མེད།། གཞི་ཡི་ཡེ་ཤེས་ངོས་ཟིན་ན།། ཆོས་སྐུའི་དོན་དང
4b4 བྲལ་བ་མེད།། དེ་ཕྱིར་མ་རིག་མུན་པ་བརླག། མ་རིག་རྣམ་གསུམ་འཇོམས་པའི་ཕྱིར།། ལུང་ལྡན་སྟོན་པའི་བཀའ་འདི་བགྲོས།། དེ་ཕྱིར་ངེས་དོན་རྒྱུད་འདི་ལ།། ཤེས་རབ་རྣམ་གསུམ་མཐའ་རུ་གཏུག། དེ་ཡང
4b5 འདུས་པའི་སྙིང་པོ་ཉོན།། དོན་དང་མཐུན་པའི་གཞི་ཤེས་ཕྱིར།། མ་རིག་སངས་པས་ཡེ་ཤེས་རྒྱས།། དེ་ཕྱིར་རྟོགས་དང་སངས་རྒྱས་པ།། ལུས་དང་མ་བྲལ་དུས་འདིར་བྱུང་།། མ་རིག་མུན་སེལ་ཡེ་ཤེས་སྐུ།། ཆོས
4b6 རྣམས་ཀུན་གྱི་རྩ་བ་སྟེ།། སངས་རྒྱས་དགོངས་པ་ད་ལྟ་ཉིད།། ཕྱི་མ་མ་ཡིན་དུས་འདིར་ཡིན།། དེ་ཕྱིར་མུན་སེལ་རིག་པ་འདི།། ཆོས་རྣམས་ཀུན་གྱི་སྙིང་པོ་ལ།། རང་བྱུང་ཡེ་ཤེས་སུས་ཤེས་པ།། མ་རིག་མེད་པས
iiif viewer powered by OpenSeadragon
