| e-texts navigator |
| Wylie |
49b1 རྣམས་ལ།། ཀུན་རིག་སྟོན་པ་ཆོས་རྗེ་ཡིས།། དཔེ་ཡིས་མཚོན་ཏེ་དོན་འདྲ་བ།། ཆེད་དུ་འཁོར་ལ་བཀའ་སྩལ་པ།། ནམ་མཁའ་ཉི་ཟླ་སྐར་མ་དང་།། རྒྱ་མཚོ་རི་བོ་ཨུ་དུམ་ཝར།། ས་གཞི་ཆུ་བོ་དུས་ཀྱི་འབྲུག། ཆོས
49b2 རྒྱལ་གྱད་དང་དེད་དཔོན་དང་།། ཆུ་ཤེལ་བཻ་ཌཱུརྱ་པདྨ་དང་།། ཏིལ་འབྲུ་མེ་ལོང་སྒྲོན་མ་དང་།། རིན་ཆེན་མ་གི་གསེར་ལ་སོགས།། ཐུན་མོང་དཔེ་ཡིས་མཚོན་བྱས་ནས།། ང་ཡིས་བསྟན་གྱིས་ཁྱེད་ཀྱིས་ལེགས
49b3 པར་ཉོན།། ནམ་མཁའ་ཡངས་མཐོ་མཐའ་དབུས་མེད།། དངོས་མེད་ཀུན་ཁྱབ་འབྱུང་བཞིའི་སྣོད།། འགྲོ་འོང་མེད་པས་འདུས་མ་བྱས།། ཆོས་ཉིད་ངོ་བོ་དེ་བཞིན་ནོ།། ཉི་མ་རང་གསལ་ཀུན་ལ་དྲོ།། ཉིན་ཞག་གཅིག
49b4 གིས་གླིང་བཞི་ཁྱབ།། མུན་པ་སེལ་བའི་སྒྲོན་མར་གྲགས།། ཆོས་ཉིད་ངོ་བོ་དེ་བཞིན་ནོ།། ཟླ་བ་བསིལ་ལ་དཀར་བ་སྟེ།། རྒྱུ་སྐར་ཚེས་གྲངས་དུས་ཚོད་འཛིན།། ལོ་དང་ཟླ་བ་འཕེལ་འགྲིབ་ཅན།། རྒྱུ་འབྲས་ཆོས་ཀྱང
49b5 དེ་བཞིན་ནོ།། སྐར་མ་མ་འདྲེས་ཡོངས་རྫོགས་པས།། བར་སྣང་ལམ་ལ་ཤུགས་ཀྱིས་འགྲོ།། རྙོག་མེད་ཆུ་ལ་གཟུགས་བརྙན་འབྱུང་།། ཆོས་ཉིད་ངོ་བོ་དེ་བཞིན་ནོ།། དེ་ཡང་རྡོ་རྗེ་སེམས་དཔའ་ཉོན།། རྒྱ་མཚོ་གཏིང
49b6 ཟབ་འཕེལ་འགྲིབ་མེད།། སྲོག་ཆགས་བྱིངས་མང་བསམ་མི་ཁྱབ།། རིན་ཆེན་ལ་སོགས་འདོད་དགུ་ཡོད།། ཆོས་ཉིད་ངོ་བོ་དེ་བཞིན་ནོ།། རི་བོ་མི་འགྱུར་བརྟན་པ་སྟེ།། གླིང་བཞི་གླིང་ཕྲན་ཀུན་གྱི་རྟེན།། ཉི་ཟླ་གཟའ
iiif viewer powered by OpenSeadragon
