| e-texts navigator |
| Wylie |
49a1 རིག་སྟོན་པ་ཆོས་རྗེ་ཡིས།། དཔེ་དོན་ཁྱད་པར་བཀའ་སྩལ་པ།། ནམ་མཁའ་སྐྱེ་བ་མེད་པ་ཙམ།། ཆོས་ཉིད་ཡོན་ཏན་ཅིར་ཡང་སྐྱེ།། ནམ་མཁའ་སྣང་བ་མེད་པ་ཙམ།། ཆོས་ཉིད་ཡེ་ཤེས་ཡུལ་དུ་སྐྱེ།།
49a2 ནམ་མཁའ་སྣང་བ་མེད་པ་ཙམ།། ཆོས་ཉིད་ཡེ་ཤེས་ཡུལ་དུ་སྣང་།། ནམ་མཁའ་བརྟག་ཏུ་མེད་པ་ཙམ།། ཆོས་ཉིད་བརྟགས་པས་ཡོན་ཏན་གཏེར།། ནམ་མཁའ་སོང་བ་མེད་པ་སྟེ།། ཆོས་ཉིད་མྱ་ངན་འདས་པར
49a3 སོང་།། ནམ་མཁའ་འགག་པ་མེད་པ་སྟེ།། ཆོས་ཉིད་ངང་དུ་ལོག་རྟོགས་འགགས།། ནམ་མཁའ་ཅིར་ཡང་མ་གྲུབ་སྟེ།། ཆོས་ཉིད་བདེ་བ་ཆེན་པོར་གྲུབ།། ནམ་མཁའ་མེད་པའི་མེད་པ་སྟེ།། ཆོས་ཉིད་ཡོད་པའི་ཡོད
49a4 པའོ།། ནམ་མཁའ་ཆད་པའི་ཆད་པ་སྟེ།། ཆོས་ཉིད་མི་འགྱུར་རྟག་པ་ཡིན།། ནམ་མཁའ་སྟོང་པ་ཕྱལ་བ་སྟེ།། ཆོས་ཉིད་སངས་རྒྱས་ཀུན་གྱི་བཅུད།། ནམ་མཁའ་སྟོང་པ་སྟོང་པ་སྟེ།། ཆོས་ཉིད་ཡེ་ཤེས་འོང་བའི
49a5 བཅུད།། དེ་ཡང་རྡོ་རྗེ་སེམས་དཔའ་ཉོན།། དེ་ལྟར་བཟློག་ནས་དོན་བསྟན་པ།། ཕྱོགས་འགའ་བ་ཡི་དཔེར་མཚོན་ཏེ།། དོན་མ་ཡིན་ཕྱིར་དེ་ལས་བཟློག། ཆོས་ཉིད་བརྡལ་བ་ཆེན་པོ་ལ།། དཔེ་མཚོན་པ་ཡི་ཡུལ་ལས
49a6 འདས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དཔེ་དོན་ཁྱད་པར་འཕགས་པ་བསྟན་པའི་ལེའུ་སྟེ་ཞེ་བདུན་པའོ།། །། དེ་ནས་འདུས་པའི་ཚོགས
iiif viewer powered by OpenSeadragon
