| e-texts navigator |
| Wylie |
47b1 བཀའ་སྩལ་པ།། ཡེ་ནས་ཡོད་པའི་ཆོས་ཀྱི་སྐུ།། རྟོགས་མ་རྟོགས་ཀྱི་ཁྱད་པར་ལས།། ལེགས་པར་ཉོན་ལ་ཡིད་ལ་ཟུང་།། རང་སེམས་མ་རྟོགས་སེམས་ཅན་ནི།། འཁོར་བ་གང་ནས་གང་དུ་འཁྲུལ།། ཅིས་འཁྲུལ
47b2 ལྡོག་ཐབས་མ་ཤེས་པས།། ཡོད་མེད་གཟུང་འཛིན་བླ་དགས་ལ།། འཁྲུལ་པ་རྣམས་ནི་དམ་པར་འཛིན།། འཁོར་ལན་ཆོས་ལ་བརྟགས་པས་ལན།། དེ་ཡང་འདུས་པའི་སྙིང་པོ་ཉོན།། གང་ལ་རྟོགས་མེད་མ་ཤེས
47b3 ཕྱིར།། ལོག་ལྟ་གང་ཞིག་ནོར་བའི་ལམ།། གཉིས་མེད་དོན་ལ་མ་རིག་འཁྲུལ།། དེ་ཕྱིར་གཉིས་མེད་མ་རྟོགས་ན།། ལུས་ངག་རྩོལ་བས་སྡུག་བསྔལ་ནོན།། དེ་ཕྱིར་ངེས་དོན་ལུང་མེད་ན།། ཐེག་དགུའི་ཤེས་པས་གྲོལ
47b4 མི་སྲིད།། དེ་ཡང་རྡོ་རྗེ་སེམས་དཔའ་ཉོན།། ཡེ་ནས་ཡོད་པའི་ཆོས་ཉིད་ལ།། ལུང་ལྡན་ངེས་པའི་དོན་ཕྲད་ན།། རྟོགས་དུས་ད་ལྟའི་ཚེ་འདི་ལ།། རང་སེམས་སྙིང་པོ་རྟོགས་པར་གྱིས།། ཀུན་བཟང་ང་ལ་ཐོག་མཐའ
47b5 ཡོད།། དུས་ཅིག་མཆོད་ཕྱིར་མངོན་སངས་རྒྱས།། འདས་པའི་སངས་རྒྱས་ཀུན་གྱིས་ཀྱང་།། ང་ཡོད་ཕྱིར་ན་ཐོག་མཐའ་ཡོད།། སྐྱེ་བ་མི་ལེན་ཐ་མ་འབྱུང་།། ད་ལྟ་མ་བྱོན་སེམས་དཔའ་ཡིས།། ཐོག་མཐའ་མཆོད
47b6 རྩོལ་བ་མེད།། དེ་ཕྱིར་རང་སེམས་རྟོགས་པར་དཀའ།། སེམས་ཅན་ཀུན་ལ་སྨོས་ཅི་དགོས།། དེ་ཡང་འདུས་པའི་སྙིང་པོ་ཉོན།། དེ་ཕྱིར་འདུས་པའི་ལུང་ལྡན་གྱིས།། འཁྲུལ་པ་ལྡོག་ཐབས་ཤེས་པ་དེས།། ངེས་པ་ཚིག
iiif viewer powered by OpenSeadragon
