| e-texts navigator |
| Wylie |
47a1 ཞི་གནས་བློ་ནི་མ་ངེས་པ།། བསྒོམ་དུ་ཡོད་པ་གནས་པའི་ལམ།། འཁོར་ལ་བསྟན་གྱིས་ཡིད་ལ་ཉོན།། བསྒོམ་དུ་མེད་ལ་སུ་སྐྲག་པ།། མཚན་ཉིད་དབང་གསུམ་རིམ་གྱིས་བསྐུར།། ངེས་དོན
47a2 ཉམས་སུ་མྱོང་བ་དང་།། ཡིད་ཆེས་གདེང་དང་ལྡན་པར་འགྱུར།། དེ་ཕྱིར་རང་སེམས་དགོངས་པ་སྟེ།། དེར་གནས་ཤེས་རབ་ཤིན་ཏུ་ཆེ།། ཉམས་ནི་ཕྱི་ནས་རིམ་གྱིས་འབྱུང་།། དེ་བྱུང་དགའ་བྲོད་སེམས་མི་བྱ།། ད
47a3 ཡང་རྡོ་རྗེ་སེམས་དཔའ་ཉོན།། རྣམ་གྲངས་མཚོན་པའི་དོན་རྣམས་ལས།། ལོག་སྟེ་བརྗོད་མེད་ངང་ལ་བཞག། ཐ་མ་ལ་རྗེས་སུ་མ་འབྲངས་པར།། བསྒོམ་དུ་ཡོད་པའི་ཆོས་བཤད་པས།། དེ་ཕྱིར་མ་གཡེངས་བསྒོམ་པ
47a4 ནི།། ཉིད་ལས་མི་གཞན་འཁོར་རྣམས་ལ།། དོན་གྱི་སྒོ་ནས་ཤེས་པར་གནས།། རིག་འཛིན་སེམས་དཔའ་རྣམས་ཀྱང་ནི།། ཏིང་འཛིན་གོམས་པས་བརྟན་པ་ཐོབ།། འཁོར་ན་གནས་པའི་དད་ཉན་ཀྱང་།། མོས་པའི
47a5 ལྟ་བ་གོམས་པར་བྱེད།། ཤེས་རབ་དམན་པའི་རྣལ་འབྱོར་གྱིས།། གནས་དང་མི་གཡོ་ལྷུན་གྲུབ་འདོད།། དེ་ཕྱིར་རང་སེམས་རྟོགས་པར་དཀའ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ
47a6 མཁའ་དང་མཉམ་པའི་རྒྱུད་ལས། བསྒོམ་དུ་ཡོད་མེད་སྐབས་དབྱེ་བ་བསྟན་པའི་ལེའུ་སྟེ་ཞེ་བཞི་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་འཁོར་ལ
iiif viewer powered by OpenSeadragon
