| e-texts navigator |
| Wylie |
46a1 སྐབས་དབྱེ་བ་བསྟན་པའི་ལེའུ་སྟེ་ཞེ་གཉིས་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། རྒྱུ་འབྲས་སྐབས་དབྱེ་བཀའ་སྩལ་པ།། ཡང་དག་ངེས་དོན་སྐྱེ
46a2 པོ་ལ།། མཛད་སྤྱོད་འབྱང་བས་མ་བསླད་ཕྱིར།། རྒྱུ་དང་འབྲས་བུ་ངོ་བོ་གཅིག། རང་བྱུང་རིག་པའི་ངོ་བོ་དེ།། དཔེར་ན་ནོར་བུ་རིན་ཆེན་ལ།། དགོས་འདོད་འབྲས་བུ་དུས་གཅིག་རྫོགས།། དེ་བཞིན་ཆོས་སྐུ་ངེས་དོན
46a3 ལ།། རྟོགས་པ་ཙམ་གྱིས་ངེས་དོན་རྫོགས།། དེ་ཡང་འདུས་པའི་སྙིང་པོ་ཉོན།། ཐེག་པ་གཞན་དང་སྒོ་བསྟུན་ན།། རེ་ཞིག་རྒྱུ་རྐྱེན་བརྗོད་པ་ནི།། རྒྱུ་ནི་རང་བྱུང་ངོ་བོ་ཉིད།། རྐྱེན་ནི་ལུང་ལྡན་བླ་མས་ཚོལ།། འབྲས་བུ
46a4 ཡེ་ཤེས་རྟོགས་པའི་ཚེ།། ཐ་དད་མེད་ཕྱིར་རྒྱུ་འབྲས་གཅིག། དེ་ཡང་རྡོ་རྗེ་སེམས་དཔའ་ཉོན།། ཐེག་གཞན་ཆོས་ཀུན་རྒྱུ་འབྲས་དེ།། དུས་གཅིག་མ་ཡིན་རིམ་གྱིས་ཚོལ།། རྩོལ་སྒྲུབ་ཡིན་ཕྱིར་འཁོར་བའི་རྒྱུ།། གནས
46a5 སྐབས་བདེ་ཐོབ་མཐར་ཟུག་མེད།། རྒྱུ་འབྲས་རིམ་བསྐྱེད་གོལ་སར་གསུངས།། དཔེར་ན་བྱས་པའི་རྫས་རྣམས་ནི།། མི་རྟག་མྱུར་དུ་འཇིག་པ་བཞིན།། རྒྱུ་རྐྱེན་བྱས་པའི་ཆོས་ཀུན་ནོར།། འབྲས་བུ་མི་འབྱུང་ཆུ་ཤིང
46a6 འདྲ།། ད་ཡང་འཁོར་གྱི་སྙིང་པོ་ཉོན།། དེ་དོན་རྩ་བ་མདོར་བསྡུས་ན།། ཏཀྵ་ཀ་ཡི་རྒྱན་བཞིན་དུ།། རྒྱུ་འབྲས་མཐར་ཕྱིར་གཞི་ནས་རྫོགས།། དེ་བཞིན་ཆོས་ཀུན་སྙིང་པོ་ལ།། ཆེ་བའི་ཡོན་ཏན་ངང་ལ་འཆར།།
iiif viewer powered by OpenSeadragon
