| e-texts navigator |
| Wylie |
45b1 བྱུང་།། དེ་ཕྱིར་རང་འཁྲུལ་རྨོངས་པའི་སེམས།། གཟུང་འཛིན་བྱིང་རྒོད་ཞེན་པའི་རྒྱུ།། ཡུལ་ལ་བརྟེན་ནས་ཆགས་སྡང་སྐྱེ།། འཁོར་བའི་རྒྱུ་རྐྱེན་འཁྲུལ་སེམས་གཉིས།། གཅིག་དང་མི་གཅིག་རྩོལ་བའི་ཕྱིར།། འཁོར
45b2 བའི་མཐའ་ལ་ཟད་མེད་ཕྱིར།། དེ་ཕྱིར་རང་རིག་དོན་རྟོགས་ན།། སེམས་མེད་ཡུལ་འདི་ཅི་ལ་སྲིད།། དེ་བས་རང་སེམས་སྙིང་པོ་འདི།། སེམས་ཀྱི་ཡུལ་ལས་འདས་པའི་ཕྱིར།། གཅིག་དང་མི་གཅིག་བརྗོད་ཀྱི་བར།།
45b3 མ་རིག་བློ་ལ་ཡུལ་སེམས་ཡོད།། ལོག་ལྟ་ཅན་རྣམས་དམ་པར་འཛིན།། དེ་ཕྱིར་སྒྲ་དང་ཚད་མའི་ཆོས།། སྤྲེའུ་འདྲའི་བློ་ཡིས་ནན་བརྟགས་ནས།། ཡུལ་སེམས་རྩོད་པས་ཆོས་ཀུན་བྱུང་།། དེ་ཡང་འདུས་པའི་སྙིང་པོ
45b4 ཉོན།། ངེས་ལུང་གདམས་ངག་ལྡན་པ་ཡི།། ཡང་དག་ངེས་པའི་སངས་རྒྱས་ལ།། རང་རིག་ཆོས་སྐུ་སེམས་དང་བྲལ།། དེ་ཕྱིར་ཡུལ་མེད་རིག་པ་འཕྱོ།། ངེས་ལུང་གོ་བས་ཡུལ་སེམས་བརླག། དེ་ཡང་འདུས་པའི་སྙིང
45b5 པོ་ཉོན།། དེ་ཡང་རྩ་བ་མདོར་བསྡུས་ན།། ཉི་ཤར་མུན་འགྲིབ་མེད་པ་བཞིན།། རང་བྱུང་ཆོས་སྐུའི་དོན་རྟོགས་པས།། གོལ་སྒྲིབ་ཡུལ་སེམས་གཞི་ནས་དག། དེ་ཕྱིར་རང་བྱུང་ཡེ་ཤེས་སྐུ།། དུས་གསུམ་འཕོ་འགྱུར།
45b6 མེད་པའི་ཕྱིར།། འཁྲུལ་མེད་ཡང་དག་མངོན་སངས་རྒྱས།། དེ་ཕྱིར་ངེས་དོན་རྟོགས་པས་ཆོག། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡུལ་སེམས་གཞི་ལ
iiif viewer powered by OpenSeadragon
