| e-texts navigator |
| Wylie |
45a1 ཤེས་ནམ་མཁའ་དང་མཉམ་པའི་རྒྱུད་ལས། མ་རིག་ཡེ་ཤེས་དབྱེ་བ་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་ཀུན་རིག་རྒྱལ་པོ་ཡིས།། ཡུལ་སེམས་དབྱེ་བ་བཀའ་སྩལ་པ།། སྣང་ཞིང
45a2 སྲིད་པའི་ཆོས་རྣམས་ཀུན།། འཁྲུལ་སེམས་བག་ཆགས་ཡིན་པའི་ཕྱིར།། སྣང་བའི་ཞེན་པ་སྣ་ཚོགས་ཀྱང་།། ངོ་བོ་ཡུལ་དུ་གྲུབ་པ་མེད།། དེ་ཕྱིར་སྣང་བ་ལོག་འཁྲུལ་ཡིན།། དེ་ཡང་འདུས་པའི་སྙིང་པོ་ཉོན།། རང་གི
45a3 སེམས་ནི་འཁྲུལ་བའི་དཔེ།། ཐག་སྦྲུལ་ཐོ་ཡོར་མི་བཞིན་དུ།། མེད་ལ་ཡོད་འཛིན་ཀུན་ཏུ་བརྟགས།། ས་ཆུ་མེ་རླུང་འབྱུང་བ་བཞི།། འཁྲུལ་པའི་བག་ཆགས་བརྟས་པ་ཡིས།། དངོས་སུ་སྣང་ཡང་དོན་དུ་མེད།། དེ་ཕྱིར
45a4 ཡུལ་འདི་རྟེན་མེད་པར།། རྨོངས་པ་ཀུན་ནི་དམ་པར་འཛིན།། ལོག་པའི་རྗེས་སུ་འབྲངས་པས་ཕུང་།། སྨྲེ་འདྲའི་ལུང་གིས་བསླད་པས་ཕུང་།། དེ་ཡང་རྡོ་རྗེ་སེམས་དཔའ་ཉོན།། རང་རིག་ཆོས་སྐུ་ཡེ་ཤེས་ལ།། འཁྲུལ
45a5 པའི་རྐྱེན་བཞིས་མ་བསྐྱེད་པས།། ཀུན་གཞི་མེད་ཕྱིར་སེམས་ཀྱང་མེད།། ཡུལ་སེམས་གཉིས་ཀ་གཞི་མེད་དེ།། དེ་ཕྱིར་གཞི་མེད་ཆོས་སྐུ་ལ།། རང་རིག་ཡེ་ཤེས་ཀློང་ལྡན་པས།། སྣང་བ་མེད་ཕྱིར་འཛིན་པ་བྲལ།།
45a6 གསལ་ལ་འཛིན་མེད་མི་གཡོ་བ།། སངས་རྒྱས་ཀུན་གྱི་དགོངས་པར་བཤད།། དེ་ཡང་རྡོ་རྗེ་སེམས་དཔའ་ཉོན།། རང་སེམས་ཡུལ་དུ་འཛིན་པའི་རྒྱུ།། འཁོར་བའི་ས་བོན་མ་རིག་པས།། རྒྱུ་རྐྱེན་བྱས་ནས་སྡུག་བསྔལ
iiif viewer powered by OpenSeadragon
