| e-texts navigator |
| Wylie |
44a1 ཚིག་དེ་དག་ཀྱང་།། ལྟ་བས་གདེང་ལྡན་བྱ་བ་ལས།། ཟ་མལ་ཀུན་གྱིས་བྱར་མི་རུང་།། དེ་ཕྱིར་གདེང་ལྡན་བློ་ཡིས་བྱ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང
44a2 མཉམ་པའི་རྒྱུད་ལས། གནང་བར་བྱ་བའི་དམ་ཚིག་བསྟན་པའི་ལེའུ་སྟེ་བཞི་བཅུ་པའོ།། སྡོམ་དུ་བསྡུས་ཏེ་བསྟན་པ་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་ཚོགས་ལ་ཕན
44a3 གདགས་ཕྱིར།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཚིག་གིས་འདི་སྐད་གསོལ།། མ་རིག་ཡེ་ཤེས་དབྱེ་བ་གང་།། ཡུལ་སེམས་གཞི་མ་གཅིག་མི་གཅིག། རྒྱུ་འབྲས་དོན་གྱི་དབྱེ་བ་གང་།། བསྒོམ་དུ་ཡོད
44a4 མེད་ཇི་ལྟར་ཡིན།། རྟོགས་མ་རྟོགས་ཀྱི་ཁྱད་པར་གང་།། ཀུན་རིག་རྒྱལ་པོས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི་འཁོར་ལ་བཀའ་སྩལ་པ།། སེམས་ཅན་ཀུན་ལ་གནས་པ་ཡི།། མ
44a5 རིག་ཡེ་ཤེས་ཁྱད་པར་ནི།། ང་ཡིས་བཤད་ཀྱིས་ད་ཉོན་ཅིག། དང་པོ་འཁོར་འདས་པར་དོ་ལ།། ཤེས་བཞིན་ལུང་མ་བསྟན་དུ་གཡོས།། དེ་ཉིད་རང་དུ་ངོ་མ་ཤེས།། དེ་ཕྱིར་གང་གི་བློ་མི་འཇུག། དེ་ནི་གཏི་མུག
44a6 འཁོར་བའི་གཞི།། དེ་ལ་དཔྱད་ཀྱང་མ་ཤེས་པས།། ཞི་གནས་མ་རིག་པ་ཞེས་བྱ།། དེ་ཡང་འདུས་པའི་སྙིང་པོ་ཉོན།། དེ་ལས་ཡུལ་མེད་འཛིན་པ་ནི།། བག་ལ་ཉལ་བ་ཆ་ཕྲ་བྱུང་།། དེ་ཕྱིར་རང་ལ་རང་གིས་བསྒྲིབས།།
iiif viewer powered by OpenSeadragon
