| e-texts navigator |
| Wylie |
43b1 མ་ལྔ་ལྡན་གཞན་གྱི་ལ།། ཆགས་སེམས་ཙམ་ཡང་མི་བྱ་སྟེ།། རྣལ་འབྱོར་དམ་ཚིག་ལྡན་པས་སྤངས།། ཁ་རླངས་དུག་ཆེན་དཔེ་བཞིན་དུ།། མི་ཆོས་བླ་མའི་རྫུན་ལ་སོགས།། རང་འདོད་འདུ་ཤེས་བསྒྱུར་སྨྲ་སྤང་།། དེ
43b2 དག་རྩ་བ་བཞི་པོ་ནི།། འཁོར་བར་འཁྲུལ་པའི་རྟེན་གཞི་སྟེ།། དེ་མ་སྤང་བར་གྲོལ་མི་སྲིད།། དེ་ཕྱིར་རྣལ་འབྱོར་ཀུན་གྱི་སྤངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ
43b3 པའི་རྒྱུད་ལས། སྣང་བར་བྱ་བའི་དམ་ཚིག་བསྟན་པའི་ལེའུ་སྟེ་སོ་དགུ་པའོ།། །། དེ་ནས་ཀུན་རིག་རྒྱལ་པོ་ཡིས།། གནང་བའི་དམ་ཚིག་རྣམ་པ་བཞི།། འདུས་པའི་འཁོར་ལ་བཀའ་སྩལ་པ།། དུག་སྦྲུལ་ཉེས
43b4 བྱེད་གསོད་པ་བཞིན།། སྐུ་དགྲ་ཉེས་བྱེད་ཞིང་བཅུ་དང་།། སྔགས་ལ་སྐུར་པ་ལ་སོགས་པའི།། སྡིག་ཅན་བསྒྲལ་པས་དངོས་གྲུབ་ཐོབ།། དཔེར་ན་སྦྲང་བུ་བཅུད་ལེན་བཞིན།། རྣལ་འབྱོར་ཐབས་རྣམས་སྣ
43b5 ཚོགས་ཀྱིས།། སེར་སྣ་ཅན་གྱི་ཟས་ནོར་ནི།། མ་བྱིན་བླངས་ལ་ཚོགས་སུ་འབུལ།། ཤིང་ཏོག་སྨིན་པའི་བཅུད་འཇིབས་བཞིན།། སྔ་ཕྱི་མ་སོང་གདེང་ལྡན་པས།། ཕོ་མོ་ཆགས་པ་ཅི་སྤྱོད་ཀྱང་།། དོན་ལས་མ་འདས
43b6 བདེ་བའི་གྲོགས།། བྱིས་པ་ལག་གཏོང་འདྲིད་པ་བཞིན།། ངེས་དོན་བཀའ་ལ་ཞུགས་ཆེད་དུ།། དྲང་དོན་ཆོས་ཀུན་རྫུན་དུ་སྨྲ།། གོལ་སྒྲིབ་ཕྱིར་ནི་ཉེས་བྱེད་དགེ།། ད་ཡང་འདུས་པའི་སྙིང་པོ་ཉོན།། གནང་བའི་དམ
iiif viewer powered by OpenSeadragon
