| e-texts navigator |
| Wylie |
43a1 ཀྱིས་མི་ཚུགས་བྱིན་རླབས་འབྱུང་།། དུག་ཏུ་ངོ་ཤེས་མི་ཟ་བཞིན།། རྨིག་དུམ་ཤ་ནི་མ་ཟོས་ན།། བྲམ་ཟེ་གཙང་མའི་རིགས་འཛིན་སྐྱོབ།། མཁའ་འགྲོས་ཐུན་མོང་དངོས་གྲུབ་སྟེར།། གསེར་དང་བྱེ་མ་མི
43a2 བརྗེ་བཞིན།། ངེས་དོན་རྒྱུད་དྲུག་ཆོས་དང་ནི།། བཀའ་རྐུན་ཆོས་བཞིན་མ་བརྗེས་ན།། ཐུགས་ཀྱིས་དངོས་གྲུབ་སངས་རྒྱས་ཐོབ།། དར་དཀར་ལ་ནི་སྣུམ་ཞེན་བཞིན།། ནལ་བུ་བསད་དང་ངོས་ནལ་ལ།། འཁྲིག་པའི
43a3 འདོད་ཆགས་སྤྱོད་སྤངས་ན།། གཙང་རིས་ཆོས་སྐྱོང་ཀུན་གྱིས་སྐྱོབ།། དེ་ཡང་རྡོ་རྗེ་སེམས་དཔའ་ཉོན།། དེ་དག་བསྲུང་བའི་དམ་ཚིག་ཀྱང་།། རྩ་བ་འདོད་ཆུང་ཉིད་དུ་འདུས།། དེ་ཕྱིར་ཞེན་པ་མི་ཤེས་ན།། བར་ཆད
43a4 མི་འབྱུང་དངོས་གྲུབ་ཐོབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། བསྲུང་བར་བྱ་བའི་དམ་ཚིག་བསྟན་པའི་ལེའུ་སྟེ་སོ་བརྒྱད་པའོ།། །། དེ་ནས
43a5 ཡང་ཀུན་རིག་སྟོན་པ་ཡིས།། སྤང་བར་བྱ་བའི་དམ་ཚིག་ནི།། འདུས་པའི་ཚོགས་ལ་བཀའ་སྩལ་པ།། རྣལ་འབྱོར་ངེས་ལུང་ལྡན་པ་ཡིས།། དམ་བཟུང་མི་ཤིགས་བསྲུངས་དགོས་ནི།། སེམས་ཅན་ཐ་མལ་འགྲོ་བ
43a6 ཡི།། སྲོག་གཅད་དམ་ཚིག་ཅན་གྱིས་སྤངས།། ཏིལ་གྱི་ཕུབ་མ་ཙམ་ཡང་ནི།། མ་བྱིན་བླང་བར་མི་བྱ་སྟེ།། མི་དང་མི་མ་ཡིན་པའི་རྫས།། རྣལ་འབྱོར་པ་ཡིས་རྐུ་སེམས་སྤངས།། རེག་པ་དུག་ཅན་དཔེ་བཞིན་དུ།། སྲུང
iiif viewer powered by OpenSeadragon
