| e-texts navigator |
| Wylie |
42b1 དམ་ཚིག་གདམས་ངག་མ་ནོར་བ།། སྣོད་མེད་གཞན་ལ་མི་སྤེལ་བར།། ཆེད་དུ་དམ་བྱས་ཅི་བསམ་འགྲུབ།། ཀ་ལ་པིང་ཀའི་དབྱངས་སྙན་བཞིན།། རང་གི་བལྟ་བསྒོམ་ངེས་པའི་དོན།། རྒྱུན་དུ་མི་འབྲལ་ཆེད་དུ་ནི།།
42b2 རིག་པ་སོ་ཐུབ་དམ་ཚིག་སྲུང་།། བདེན་མཐོང་རྐྱེན་ཁར་མི་བཏང་ཞིང་།། ལུང་ལྡན་ངེས་པའི་གདམས་ངག་ལ།། བདུད་ཀྱི་ཆོ་འཕྲུལ་གང་བྱུང་ཡང་།། ཟིལ་མནོན་གདམས་ངག་དྲན་པ་གཅེས།། བུ་ལ་མི་ཆགས་ནི་ཏི
42b3 བཞིན།། དམ་ལྡན་དམ་ཚིག་གདེང་ལྡན་ནས།། ཆོས་བརྒྱད་སྤང་བླང་མེད་ཤེས་ཕྱིར།། ཆེད་དུ་མི་ཞེན་གཉེན་པོ་དགོས།། དེ་ཡང་རྡོ་རྗེ་སེམས་དཔའ་ཉོན།། དེ་དག་ཆེད་བྱའི་དམ་ཚིག་ཀྱང་།། རྩ་བ་སྐུ་གསུང་ཐུགས
42b4 སུ་འདུས།། དེ་ཕྱིར་རྩ་དགུ་དམ་ཚིག་སྟེ།། ཆོས་རྣམས་ཀུན་གྱི་གཞི་མ་ཡིན།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཆེད་དུ་བྱེད་པའི་དམ་ཚིག་བསྟན
42b5 པའི་ལེའུ་སྟེ་སོ་བདུན་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། བསྲུང་བའི་དམ་ཚིག་བཀའ་སྩལ་པ།། སྤྲེ་དང་སྟག་ཐབས་ཇི་བཞིན་དུ།། རྡོ་རྗེ་སློབ་དཔོན་སྐུ་དགྲ
42b6 དང་།། བཤེས་འདྲིས་མི་བྱ་བསྲུང་གྱུར་ན།། རིན་ཆེན་སྐུ་ཡི་དངོས་གྲུབ་ཐོབ།། མཐོང་བའི་དུག་ཅན་དཔེ་བཞིན་དུ།། ནག་མོར་འཛིངས་དང་དམ་ཉམས་ཀྱིས།། འཐབ་བརྡུངས་ཤུགས་མ་སྤངས་འགྱུར་ན།། བགེགས
iiif viewer powered by OpenSeadragon
