| e-texts navigator |
| Wylie |
42a1 བཞིན།། དུག་ལྔ་ཆོས་ཉིད་དོན་ཤེས་ན།། སྤང་བླང་མེད་པའི་ཆོས་སྐུར་གསལ།། དེ་ལས་མི་འགྱུར་འཁོར་མི་སྲིད།། སྔགས་ཀྱིས་དུག་བསད་དཔེ་བཞིན་དུ།། དུག་ལྔ་རང་གྲོལ་དོན་ཤེས་ན།། ཆེད་དུ
42a2 མི་བསྒོམ་དམ་ཚིག་སྟེ།། ཡིད་ཀྱི་བསམ་པས་བསྒོམ་མི་དགོས།། རིན་ཆེན་རྙེད་པས་ལས་མི་དགོས།། དེ་བཞིན་དོན་རྟོགས་དམ་ཚིག་མཆོག། བསྒོམ་མི་དགོས་པའི་ཆོས་ཡིན་ཕྱིར།། མ་སྒོམས་སྟོར་བྲལ་གོལ་ས
42a3 མེད།། དེ་ཡང་རྡོ་རྗེ་སེམས་དཔའ་ཉོན།། དེ་དག་རྟོགས་ཐབས་དམ་ཚིག་ཀྱང་།། རྩ་བ་རང་སེམས་འདི་ཉིད་ལས།། གཞན་ན་ཡོད་པ་མ་ཡིན་ཏེ།། རང་རིག་རྟོགས་ན་དམ་ཚིག་མཆོག། རྫོགས་པ་ཆེན་པོ་ངེས་དོན
42a4 ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྟོགས་པར་བྱ་བའི་དམ་ཚིག་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས
42a5 རྗེ་ཡིས།། ཆད་བྱའི་དམ་ཚིག་བཀའ་སྩལ་པ།། དཔེར་ན་མིག་གི་འབྲས་བུ་བཞིན།། ལུང་ལྡན་རྡོ་རྗེ་སློབ་དཔོན་ལ།། བརྩེ་གདུང་དམ་ཚིག་རྒྱུན་དུ་བཀུར།། ངེས་དོན་མཆོག་གི་དངོས་གྲུབ་ཐོབ།། ད་ཡང་འདུས
42a6 པའི་སྙིང་པོ་ཉོན།། དཔེར་ན་རང་གི་ལུས་བསྲུང་བཞིན།། ངེས་དོན་གཅིག་པའི་གྲོགས་དག་ལ།། གདུང་སེམས་མི་འབྲལ་གུས་བྱས་ན།། དངོས་གྲུབ་ཚེ་རིང་ལོངས་སྤྱོད་འཕེལ།། དཔེར་ན་རང་གི་སྙིང་བཞིན་དུ།།
iiif viewer powered by OpenSeadragon
