| e-texts navigator |
| Wylie |
41b1 སྒྲིབ་པས་མི་གོས་སངས་རྒྱས་ཉིད།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡེ་ཤེས་སྤྱི་བླུགས་ཀྱི་དབང་གི་ཡོན་ཏན་བསྟན་པའི་ལེའུ་སོ་ལྔ་པའོ།། ། སྡོམ
41b2 དུ་བསྡུས་ཏེ་བསྟན་པ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། རྟོགས་པར་བྱ་བའི་དམ་ཚིག་གང་།། ཆེད་དུ་བྱ་བའི་དམ
41b3 ཚིག་གང་།། བསྲུང་བར་བྱ་བའི་དམ་ཚིག་གང་།། སྤང་བར་བྱ་བའི་དམ་ཚིག་གང་།། སྤྱད་པར་བྱ་བའི་དམ་ཚིག་གང་།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པས་དོན་གསན་ནས།། འདུས་པའི
41b4 འཁོར་ལ་བཀའ་སྩལ་པ།། དམ་ཚིག་ལྔ་ཡིས་གཞི་བཟུང་བ།། ང་ཡིས་བཤད་ཀྱིས་ལེགས་པར་ཉོན།། དམ་ཚིག་བཅུ་གཉིས་གཞི་བསྟན་པ།། ལུས་ངག་ཡིད་གསུམ་ལས་སྤྱོད་པའི།། ཡོན་ཏན་སྐྱོན་གྱི་རྩ་བ་སྟེ།།
41b5 གནང་དང་བཀག་པ་ཤེས་པར་གཅེས།། དེ་ཡང་འདུས་པའི་སྙིང་པོ་ཉོན།། རྟོགས་པར་བྱ་བའི་དམ་ཚིག་ནི།། མ་མེད་བུ་ནི་མི་འབྱུང་བཞིན།། ཀུན་གཞི་ནང་གི་ཆོས་སྐུ་ལས།། སངས་རྒྱས་མི་བཙལ་དམ་ཚིག་སྟེ།། དེ
41b6 ཉིད་ངོས་ཟིན་རྟོགས་པའི་ཆོ་ག། གཟུགས་སྤངས་གྲིབ་མ་མི་རྙེད་བཞིན།། དུག་ལྔ་སྤངས་པའི་ཕ་རོལ་ན།། སངས་རྒྱས་གཞན་ན་མེད་པ་ཡིན།། དུག་ལྔ་མི་སྤངས་དམ་ཚིག་མཆོག། གསེར་འགྱུར་རྩེ་ཡིས་ཐེབ་པ
iiif viewer powered by OpenSeadragon
