| e-texts navigator |
| Wylie |
41a1 ཁྱབ།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རིག་པ་རང་གསལ་གྱི་དབང་གི་ཡོན་ཏན་བསྟན་པའི་ལེའུ་སྟེ་སོ་བཞི་པའོ།། །། དེ
41a2 ནས་འདུས་པའི་ཚོགས་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། ཡེ་ཤེས་སྤྱི་བླུགས་དབང་གི་ནི།། ཡོན་ཏན་ངེས་པར་བཀའ་སྩལ་པ།། བདེ་བ་ཡེ་ཤེས་དབང་བསྐུར་བས།། ཕྱི་ནང་གསང་བའི་བདེ་བ་ནི།། བདེ
41a3 བ་རྐྱེན་ཐུབ་ཆོས་སྐུར་ཤར།། ལོངས་སྤྱོད་རྫོགས་པའི་འབྲས་བུ་འབྱུང་།། སྡུག་བསྔལ་ཞི་བྱེད་དབང་བསྐུར་བས།། སྡུག་བསྔལ་སྣ་ཚོགས་གང་བྱུང་ཡང་།། རང་ཞི་བྱང་ཆུབ་སེམས་སུ་རྟོགས།། ཁང་གཞི་གསུམ
41a4 འབྲས་བདེ་བར་གནས།། བཏང་སྙོམས་ལྷག་མཐོང་དབང་བསྐུར་བས།། གཏི་མུག་རང་བྲལ་རྐྱེན་རྣམས་ཐུབ།། ལེ་ལོ་མི་འབྱུང་ཆོས་ཀྱི་སྐུ།། དེ་ཙམ་ཉིད་ན་ཆོས་སྐུ་གསལ།། དུག་ལྔ་རང་གྲོལ་དབང་བསྐུར་བས།།
41a5 ཉོན་མོངས་ཞེན་པ་གང་སྐྱེས་ཀྱང་།། དེ་ཉིད་གསལ་ཐེབ་ཆོས་སྐུ་ཉིད།། རྐྱེན་དབང་མི་འགྱུར་གདེང་གིས་ཟིན།། སྐྱེ་བ་མི་ལེན་དབང་བསྐུར་བས།། ལུས་བོར་སྲིད་པ་བར་དོ་ལ།། རྗེས་དྲན་དྲུག་གི་དོན་ཤེས་ནས།།
41a6 སྐྱེ་བ་མི་ལེན་ཡེ་ཤེས་སུ།། བག་ཆགས་མི་འབྱུང་རྐྱེན་རྣམས་ཐུབ།། དེ་ཡང་རྡོ་རྗེ་སེམས་དཔའ་ཉོན།། དེ་དག་དབང་གི་རིམ་པ་ཡང་།། དོན་ལ་དབྱེར་མེད་ངོ་བོ་གཅིག། ཡོན་ཏན་གྲངས་རྣམས་ཅི་གསུངས་ཀྱང་།།
iiif viewer powered by OpenSeadragon
