| e-texts navigator |
| Wylie |
40b1 ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྒྱལ་ཐབས་སྤྱི་བླུགས་དབང་གི་ཡོན་ཏན་བསྟན་པའི་ལེའུ་སོ་གསུམ་པའོ།། །། དེ་ནས་འདུས་པའི་འཁོར་རྣམས་ལ།། ཀུན
40b2 རིག་ཆོས་ཀྱི་རྒྱལ་པོ་ཡིས།། རིག་པ་རང་གསལ་དབང་ཡོན་ཏན།། འདུས་པའི་འཁོར་ལ་བཀའ་སྩལ་པ།། ལྟ་བ་ངེས་པའི་དབང་བསྐུར་བས།། སངས་རྒྱས་སེམས་ཅན་མ་ལུས་ཀུན།། ཆོས་ཀྱི་སྐུ་ལས་གཞན་མེད
40b3 པས།། འཁོར་བའི་སྐྱོན་ནི་ཀ་ནས་མེད།། མ་བསྒྲུབས་འབྲལ་མེད་དབང་བསྐུར་བས།། ཞི་གནས་ལྷག་མཐོང་ཟུང་དུ་འབྲེལ།། ཉམས་མྱོང་ཞེན་མེད་རྒྱུན་མི་ཆད།། ཏིང་འཛིན་རང་གསལ་དངོས་གྲུབ་ཐོབ།། སྤྱོད་པ
40b4 མཆོག་གི་དབང་བསྐུར་བས།། ཉོན་མོངས་མི་འབྱུང་ཡེ་ཤེས་འབྱུང་།། སྐྱོན་གྱིས་མི་གོས་བླང་དོར་མེད།། བརྟུལ་ཞུགས་མཆོག་གི་དངོས་གྲུབ་ཐོབ།། འབྲས་བུ་མཆོག་གི་དབང་བསྐུར་བས།། ས་དང་ལམ་ལ་མ
40b5 བགྲོད་པར།། ཉོན་མོངས་དུག་ལྔ་རང་གྲོལ་ནས།། དུས་འདིར་སྐུ་གསུམ་སངས་རྒྱས་འབྱུང་།། དེ་ཡི་ཡོན་ཏན་བརྗོད་མི་ལངས།། འོད་གསལ་ཆེན་པོས་དབང་བསྐུར་བས།། ཡེ་ཤེས་རིག་པའི་འོད་ཤར་བས།།
40b6 འཇིག་རྟེན་གསུམ་གྱི་བྱང་ཆུབ་སེམས།། ཀུན་ཀྱང་སངས་རྒྱས་ས་རུ་ཤེས།། དེ་ཡང་རྡོ་རྗེ་སེམས་དཔའ་ཉོན།། དེ་དག་རང་གསལ་ཡོན་ཏན་གྱི།། བརྡ་ཡིག་བྱིན་ལ་དབང་ཡོན་ཕུལ།། དེ་ཡི་བསོད་ནམས་བསམ་མི
iiif viewer powered by OpenSeadragon
