| e-texts navigator |
| Wylie |
40a1 བྱིན་པའི་ཡོན་ཏན་ནི།། དད་ལྡན་ཡིད་ཆེས་བློ་བདེ་ནས།། ཚོགས་ཀྱི་ལམ་གྱི་ཡེ་ཤེས་ཏེ།། འབྲས་བུ་བརྩོན་འགྲུས་མྱུར་དུ་བྱ།། དེ་ཡང་འདུས་པའི་སྙིང་པོ་ཉོན།། ཆོས་ཀྱི་སྐུ་ཡིས་དབང་བསྐུར་བས།།
40a2 རང་རིག་ཐིག་ལེའི་དོན་ཤར་ཕྱིར།། རྟོགས་པ་མངོན་འགྱུར་ཡེ་ཤེས་མཆོག། ཆོད་ཉིད་བཙལ་མེད་དུས་འདིར་འཐོབ།། ངེས་དོན་གསུང་གི་དབང་བསྐུར་བས།། ཚིག་གིས་མཚོན་པ་ཡིད་ཀྱིས་གོ།། དོན་གསལ་ཡིད
40a3 ཆེས་ཚངས་པའི་དབྱངས།། སྐྱེ་འགག་མེད་པའི་དངོས་གྲུབ་འཐོབ།། རིག་པ་ཐུགས་ཀྱི་དབང་ཐོབ་པས།། མ་རིག་སེལ་ཞིང་རིག་པ་རྟོགས།། ཡེ་ཤེས་འགྱུར་མེད་ཆོས་སྐུ་ཐོབ།། ད་ལྟ་ཉིད་དུ་དངོས་གྲུབ་ཐོབ།། ཡོན
40a4 ཏན་རིག་པའི་དབང་བསྐུར་བས།། གཟུགས་སྐུའི་ཞིང་ཁམས་སྣ་ཚོགས་ལ།། མངའ་མཛད་སངས་རྒྱས་འགྲོ་དོན་བྱེད།། གཟུང་འཛིན་ཞེན་པའི་སྐྱོན་མི་གོལ།། ཕྲིན་ལས་རིག་པའི་དབང་བསྐུར་བས།། འཛམ་གླིང
40a5 བྱེ་བ་ཕྲག་རྒྱ་རུ།། སྤྲུལ་པ་བྱེ་བ་སྣ་ཚོགས་འགྱེད།། འགྲོ་དོན་མཐར་ཕྱིན་དངོས་གྲུབ་ཐོབ།། དེ་ཡང་རྡོ་རྗེ་སེམས་དཔའ་ཉོན།། སྐུ་གསུང་ཐུགས་དང་ཡོན་ཏན་ལས།། དད་པའི་ཡིད་ཀྱིས་བསྟོད་བྱས་པས།། སྟོབས
40a6 དང་མི་འཇིགས་ཡོན་ཏན་འབྱུང་།། གསོལ་བཏབ་རྒྱལ་ཐབས་དབང་བསྐུར་བས།། ཡེ་ཤེས་ཆུ་རྒྱུན་ངེས་པའི་བརྡའ།། བག་ཆགས་ཉོན་མོངས་དུས་འདིར་དག། ཆོས་སྐུ་ངོ་སྤྲོད་དངོས་གྲུབ་ཐོབ།། རྫོགས་པ་ཆེན་པོ
iiif viewer powered by OpenSeadragon
