| e-texts navigator |
| Wylie |
3b1 བཏོན་ནས།། རྩོལ་མེད་ཐེག་པ་མི་གསུང་ནས།། ཐུགས་རྗེ་ཆེན་པོ་ཡལ་ལམ་ཅི།། སྐལ་ལྡན་འདུལ་བྱ་མ་མཆིས་སམ།། ལྷུན་གྲུབ་ཐེག་པ་བཤད་དུ་གསོལ།། དེ་སྐད་ཅེས་ནི་གསུངས་པ་དང་།། དུས་གསུམ་སངས
3b2 རྒྱས་ཀུན་བསྡུས་ཏེ།། དོན་གྱི་འགྲོ་བ་མཛད་པའི་ཕྱིར།། བཀའ་ཡི་མདོ་འདི་མ་བཀྲོལ་ན།། ཀུན་བཟང་ཐུགས་ཀྱི་ངེས་པའི་དོན།། རྡོ་རྗེ་སེམས་དཔའ་ཁྱོད་ཡིན་པས།། ཚིག་གཅིག་དོན་ཀུན་རྟོགས་པའི་ཆོས།།
3b3 བཙལ་མེད་དོན་དང་འཕྲད་པར་ཞུས།། དེ་སྐད་བསྐུལ་བའི་དོན་དེ་ནི།། རྡོ་རྗེ་སེམས་དཔའ་ཡིས་རིག་ནས།། ངོ་བོ་ཉིད་ཀྱི་ཀུན་བཟང་ལ།། ངེས་པའི་ཡིད་ཀྱིས་འདི་སྐད་ཞུས།། ཆོས་ཉིད་གནས་ལུགས་ཇི་ལྟ་བ།།
3b4 སེམས་ཉིད་བློ་ཡིས་རྟོགས་པའི་དོན།། ངེས་དོན་ཀུན་ཏུ་བཟང་པོ་ཡིས།། དུས་འདིར་བདག་ལ་བཤད་དུ་གསོལ།། དེ་སྐད་ཅེས་ནི་བསྐུལ་བ་དང་།། ཀུན་བཟང་ཐུགས་ཀྱིས་གསན་ནས་ནི།། ཏིང་འཛིན་རིག་པའི
3b5 གསུང་གིས་ནི།། དད་ལྡན་འཁོར་ལ་བཀའ་སྩལ་པ།། ཡང་དག་ངེས་དོན་རྒྱུད་ཆེན་འདི།། སྣོད་ལྡན་རྣམས་ལ་ངས་བཤད་དེ།། རྫོགས་ཆེན་སྐྱེ་མེད་དོན་ཟབ་ཀྱང་།། མ་རྟོགས་པ་ལ་སྡིག་མོར་ཆེ།། དེ་སྐད་ཅེས་ནི
3b6 གསུངས་མ་ཟག། འཁོར་རྣམས་དད་པས་འདུས་པ་རྣམས།། སྣོད་དང་ལྡན་པར་དམ་བཅས་ནས།། སེམས་ཀྱི་འདུང་བ་འདི་སྐད་བཏོན།། འཁོར་བའི་གཡང་སར་ལྟུང་བ་ལ།། ཐུགས་རྗེ་ཆེན་པོས་མི་འཛིན་ནས།
iiif viewer powered by OpenSeadragon
