| e-texts navigator |
| Wylie |
39a1 ཤེས་རབ་དོན་ལྡན་ཕྱིར།། བླང་དོར་མེད་པའི་ཡེ་ཤེས་ཀྱིས།། ཉམ་ང་མེད་པའི་བརྟུལ་ཞུགས་བྱུང་།། དེ་ཕྱིར་རྟོག་བཅོམ་བགེགས་རྣམས་འདུལ།། རྡོ་རྗེ་དྲིལ་བུའི་དབང་བསྐུར་བས།། ཐབས་དང་ཤེས
39a2 རབ་དོན་ལྡན་ཕྱིར།། འཁོར་འདས་ཆོས་ལ་རང་དབང་ཐོབ།། དེ་ཕྱིར་རིག་འཛིན་ས་ལ་གནས།། ད་ཡང་འདུས་པའི་སྙིང་པོ་ཉོན།། ཡང་དག་མིང་གི་དབང་བསྐུར་བས།། ཡི་དམ་ལྷ་ཡིས་ལུང་བསྟན་ནས།། འགྲོ
39a3 དོན་མཐར་ཕྱིན་སེམས་བསྐྱེད་པས།། འཁོར་བའི་མིང་མེད་མངོན་སངས་རྒྱས།། ལུས་ལ་སྐུ་ཡི་དབང་བསྐུར་བས།། ཆོས་སྐུ་བདེ་ཆེན་རིག་པ་ཡི།། གཟུགས་སྐུ་རྣམ་གཉིས་དུས་འདིར་ནི།། རབ་བརྗིད་སྐུ་ཡི་དངོས
39a4 གྲུབ་ཐོབ།། དམ་ཚིག་གསུང་གི་དབང་བསྐུར་བས།། སྐྱེ་མེད་རིག་པའི་ཡེ་ཤེས་ཀྱི།། ཚངས་པའི་གསུང་གི་དངོས་གྲུབ་ཀྱི།། དུས་འདིར་སྐྱེ་འགག་མེད་པ་ཐོབ།། རང་བྱུང་བུམ་པའི་དབང་བསྐུར་བས། རང་རིག་མི
39a5 འགྱུར་ཐུགས་ཀྱི་གདེང་།། དུས་འདིར་སངས་རྒྱས་ཆོས་ཀྱི་སྐུ།། སྐྱེ་འཆི་མེད་པའི་དངོས་གྲུབ་ཐོབ།། དེ་ཡང་རྡོ་རྗེ་སེམས་དཔའ་ཉོན།། ཕྱིར་མི་ལྡོག་པའི་དབང་བསྐུར་བས།། འཁོར་བའི་མཐའ་ལས་རྣམ་ཐར
39a6 ནས།། སངས་རྒྱས་ཆོས་ཀྱི་ཡོན་ཏན་རྫོགས།། སྐྱེ་རྒ་ན་འཆིའི་སྡུག་བསྔལ་ཐར།། ལུང་བསྟན་ཉན་པའི་དབང་བསྐུར་བས།། སངས་རྒྱས་མདོ་རྒྱུད་ངེས་པའི་ཆོས།། སྐད་ཅིག་ལ་ནི་ངེས་ཤེས་ཕྱིར།། གཏི་མུག་མེད
iiif viewer powered by OpenSeadragon
