| e-texts navigator |
| Wylie |
37b1 མཐོང་ཡེ་ཤེས་དབང་།། རྐྱེན་དབང་མི་འགྱུར་དབང་ཐོབ་ཤོག། བླང་དོར་དགག་བསྒྲུབ་མེད་པ་ཡིས།། ཉམ་ང་མེད་པའི་བརྟུལ་ཞུགས་མཆོག། དེ་ལ་རྟག་ཏུ་སྐྱོན་མི་གོས།། སྤྱོད་པ་ལ་སྤྱོད་དབང་ཐོབ་ཤོག། འབྲས
37b2 བུ་ཆོས་ཉིད་བྱང་ཆུབ་ཀློང་།། མ་བགྲོད་སངས་རྒྱས་སར་ཕྱིན་པའི།། ཆོས་སྐུའི་གཟུགས་བརྙན་གཟུགས་སྐུ་འབྱུང་།། འགྲོ་དོན་དབང་བྱིན་དབང་ཐོབ་ཤོག། དེ་ཡང་འདུས་པའི་སྙིང་པོ་ཉིན།། མ་རིག་ཀུན་གཞི་གཞི
37b3 ཆ་ལ།། རང་བྱུང་རིག་པའི་དབང་བསྐུར་བས།། སངས་རྒྱས་ཀུན་གྱི་ཆོས་ཀྱི་སྐུ།། ཡེ་ཤེས་འོད་གསལ་དབང་ཐོབ་ཤོག། བླ་མ་རྗེ་བཙུན་ཀུན་བཟང་ནི།། སངས་རྒྱས་ཀུན་གྱི་སངས་རྒྱས་ཏེ།། ལུང་ལྡན་དམ་ཚིག་རྗེས
37b4 སུ་སྲུངས།། ཡོན་ཕུལ་གདམས་ངག་རྗེས་སུ་ལོངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། ཡེ་ཤེས་རིག་པ་གསལ་དབང་གི་རིམ་པ་བསྟན་པའི་ལེའུ་སྟེ།
37b5 སུམ་ཅུ་པའོ།། །། དེ་ནས་ཀུན་རིག་ཆོས་རྗེ་ཡིས།། ཡེ་ཤེས་སྤྱི་བླུགས་དབང་ཆེན་ནི།། དད་ལྡན་འཁོར་ལ་བཀའ་སྩལ་པ།། དང་པོ་སྐྱེ་ཤིའི་བར་དོ་ལ།། རང་སེམས་ཆོས་སྐུ་ངོ་སྤྲད་པས།། རྒྱུན་དུ
37b6 འབྲལ་མེད་གདམས་ངག་གིས།། རྐྱེན་དབང་མི་འགྱུར་དབང་བསྐུར་རོ།། ད་ཡང་འདུས་པའི་སྙིང་པོ་ཉོན།། ཡེ་ཤེས་རང་ཤར་དབང་བསྐུར་བས།། དངོས་པོ་མ་འཁྲུལ་རིག་པ་ལ།། ཚོར་བ་བདེ་སྡུག་དུག་ལྔ་ནི།།
iiif viewer powered by OpenSeadragon
