| e-texts navigator |
| Wylie |
37a1 མཛད་པ།། ཅི་བསམ་འགྲུབ་ལ་ཕྱག་འཚལ་བསྟོད།། ད་ནི་ཁྱེད་ཀྱི་འབངས་སུ་མཆི།། དཔའ་བོ་ཆེན་པོས་བདག་ལ་དགོངས།། བཀའ་ལས་མི་འདའ་ཡིད་ཀྱིས་བཟུང་།། ངེས་དོན་གདམས་ངག་བསྟན
37a2 དུ་གསོལ།། རྒྱལ་ཐབས་སྤྱི་བླུགས་ཡེ་ཤེས་དབང་།། རང་བྱུང་རིག་པའི་ཆུ་རྒྱུན་གྱིས།། མ་རིག་བག་ཆགས་དག་པའི་དབང་།། སྐལ་ལྡན་ཁྱོད་ཀྱིས་ཐོབ་པར་ཤོག། དེ་ལྟར་དབང་གིས་རིམ་པ་ཡང་།། མ་ནོར་ངེས
37a3 པར་བསྐུར་ཐོབ་ན།། སངས་རྒྱས་གདམས་ངག་དུས་འདི་རུ།། ངེས་དོན་མཆོག་ནི་ཐོབ་པར་འགྱུར།། རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། རྒྱལ་ཐབས་སྤྱི།
37a4 བླུགས་ཀྱི་རིམ་པ་བསྟན་པའི་ལེའུ་སྟེ་ཉེར་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། ངེས་དོན་རིག་པ་རང་གསལ་གྱི།། དབང་གི་རིམ་པ་བཀའ་སྩལ་པ།། ཡེ
37a5 ཤེས་རིག་པའི་དབང་ཆེན་ནི།། བལྟ་བསྒོམ་སྤྱོད་པ་འབྲས་བུ་དང་།། འོད་གསལ་ཡེ་ཤེས་དབང་བསྐུར་དང་།། བརྡ་ཡིག་བྱིན་ལ་དམ་ཚིག་དབོག། དེ་ཡང་འདུས་པའི་སྙིང་པོ་ཉོན།། རང་རིག་ཆོས་སྐུའི་ལྟ་བ་ནི།།
37a6 ཡིད་ཆེས་ཐག་ཆོད་གདེང་དུ་ལྡན།། དེ་རྟོགས་ཀུན་བཟང་བྱིན་རླབས་ཀྱིས།། ཆོས་སྐུ་རིག་པའི་དབང་ཐོབ་ཤོག། འབྲལ་མེད་རང་གསལ་ཡེངས་པ་མེད།། ཉམས་མྱོང་ཞེན་མེད་རྒྱུན་དུ་གནས།། ཏིང་འཛིན་ལྷག
iiif viewer powered by OpenSeadragon
