| e-texts navigator |
| Wylie |
35b1 སྙིང་པོ་ཉོན།། ཨོཾ་ནི་ཡེ་ཤེས་ཆོས་ཀྱི་སྐུ།། བདེ་ཆེན་མཆོག་ཏུ་ལོངས་སྤྱོད་པའི།། མཁའ་དབྱིངས་ཀློང་ཡངས་བྷ་ག་ལ།། རབ་བརྗིད་སྐུ་ཡི་དབང་ཐོབ་ཤོག། དམ་ཚིག་ཅན་གྱི་ལྕེ་སྟེངས་སུ།། ཡི་གེ་ཅན་གྱི་ཨོཾ
35b2 བསྒོམས་པས།། སྐྱེ་མེད་ཚངས་པའི་གསུང་སྙན་ཆེ།། རིག་པ་གསུང་གི་དབང་ཐོབ་ཤོག། རབ་བྱུང་ཆེན་པོ་ཡེ་ཤེས་ཐུགས།། རྒྱལ་བའི་དཔལ་གྱི་བེའུ་ཐུགས་བརྒྱུད་ནས།། ཆོས་ཉིད་རིག་པའི་འོད་འཕྲོས་པས།།
35b3 སྐལ་ལྡན་དུས་ཀྱི་དབང་ཐོབ་ཤོག། དེ་ཡང་འདུས་པའི་སྙིང་པོ་ཉོན།། ཡང་དག་ངེས་དོན་དབང་བསྐུར་བས།། འཁོར་བའི་མཐའ་ནི་མི་ལྟུང་ཞིང་།། མྱ་ངན་ལས་འདས་འབྲས་བུ་མཆོག། ཕྱིར་མི་ལྡོག་པའི་དབང་ཐོབ
35b4 ཤོག། སངས་རྒྱས་བཀའ་ཡི་དབང་གནས་པ།། ལུང་ལྡན་ངེས་པའི་དམ་པའི་ཆོས།། རྣ་བའི་དབང་པོར་དོན་གསལ་བ།། ཉན་པའི་དབང་ནི་ཐོབ་པར་ཤོག། བདེ་གཤེགས་ཐུགས་ཀྱི་སྲས་པོ་མཆོག། སྔོན་གྱི་ཐུགས
35b5 དམ་མི་འདའ་བར།། སེམས་ཅན་ཀུན་ལ་ཆོས་སྟོན་པའི།། བླ་མའི་ལུང་ལྡན་དབང་ཐོབ་ཤོག། སངས་རྒྱས་དགོངས་པའི་དབང་བསྐུར་བས།། བསྙེན་བསྒྲུབ་རྣམ་བཞི་ལས་བསྒྲུབ་པའི།། ཕྱི་མར་མི་སྡོད་དུས་འདི།
35b6 རུ།། རིག་འཛིན་གྲུབ་པའི་དབང་ཐོབ་ཤོག། དེ་དག་ཐུན་མོང་དབང་རྣམས་ཀྱི།། རིམ་པ་བཞིན་དུ་དབང་ཐོབ་ན།། དུས་འདིར་ཐུན་མོང་དངོས་གྲུབ་ཐོབ།། དེ་ཕྱིར་དད་པས་ཡང་དག་ཟུངས།། རྫོགས་པ་ཆེན་པོ
iiif viewer powered by OpenSeadragon
