| e-texts navigator |
| Wylie |
35a1 དངོས་གྲུབ་ཐོབ།། སྐྱེ་བོ་དང་ནི་ཐེག་པ་དམན།། སྣོད་དང་མི་ལྡན་འདི་བཟླས་ན།། མགོ་ལུས་ཚལ་པ་བརྒྱ་རུ་འགས།། ཕྱི་མ་རྡོ་རྗེ་དམྱལ་བར་ལྟུང་།། དེ་ཕྱིར་རབ་ཏུ་གསང་བར་གྱིས།། རིན་ཆེན་ཕྲེང
35a2 བ་འདི་དོར་བས།། ཡེ་ཤེས་ལྷ་ཡི་དངོས་གྲུབ་ནི།། གང་ལ་ཕོག་པ་ཡི་དམ་ལྷ།། དུས་འདིར་ཁྱོད་ལ་དབང་ཞིག་བསྐུར།། རིག་པའི་དོན་རྟོགས་མེ་ཏོག་རྒྱུས།། ཆོས་ཉིད་རྟགས་ཀྱིས་རྒྱན་བཏགས་པས།། ཡེ་ཤེས་ཆེན
35a3 པོ་མཆོག་གི་དབང་།། ཆེ་བའི་ཡོན་ཏན་རྫོགས་པར་ཤོག། ཆོས་སྐུའི་སྣང་བ་མཚོན་པའི་ཕྱིར།། རིགས་ལྔ་དབུ་ལ་རྒྱན་བཅིངས་པས།། ཡེ་ཤེས་རིགས་ལྔ་དབྱེར་མེད་པས།། དབུ་རྒྱན་དབང་མཆོག་ཐོབ་པར་ཤོག།
35a4 ད་ཡང་རྡོ་རྗེ་སེམས་དཔའ་ཉོན།། རབ་བྱུང་ཐོད་པ་ཆོས་ཀྱི་དབྱིངས།། ཡེ་ཤེས་ལྔ་ཡིས་རང་བཞིན་ལས།། ཉི་ཁྲི་ཚིག་སྟོང་ཆོས་རྣམས་འབྱུང་།། རང་བྱུང་གཞལ་ཡས་དབང་ཐོབ་ཤོག། རིན་ཆེན་ཐོད་པའི་སྣོད་འདི
35a5 རུ།། དམ་རྫས་སྣ་ཚོགས་སྦྱར་བ་འདི།། སྐལ་ལྡན་ཁྱོད་ཀྱིས་འདི་འཐུངས་པས།། དཔའ་བརྟུལ་མཆོག་གི་དབང་ཐོབ་ཤོག། རྡོ་རྗེ་དྲིལ་བུ་རིག་པ་འཛིན།། ཐབས་དང་ཤེས་རབ་དབང་ཆེན་ཏེ།། འཁོར་འདས་ཆོས་ལ
35a6 རང་དབང་ཡོད།། ཡེ་ཤེས་ཆེན་པོའི་དབང་ཐོབ་ཤོག། ཁྱོད་ནི་རྗེས་སུ་རྣལ་འབྱོར་ཏེ།། དུས་འདི་ཉིད་དུ་སངས་རྒྱས་པ།། འགྲོ་ལ་ཕན་ཕྱིར་སེམས་བསྐྱེད་ལ།། ཡི་དམ་ལྷ་ནི་རྟག་ཏུ་བསྒོམས།། དེ་ཡང་འདུས་པའི
iiif viewer powered by OpenSeadragon
